آئی سی سی کرکٹ ورلڈکپ 2023 کے شیڈول میں تبدیلی کا امکان ظاہر کیا جا رہا ہے۔ میڈیا کے مطابق حیدر آباد پولیس نے سکیورٹی تحفظات کا اظہارکیا ہے اور حیدر آباد کرکٹ ایسوسی ایشن نے ان سکیورٹی تحفظات سے بی سی سی آئی کو آگاہ کیا ہے۔
حیدر آباد کرکٹ ایسوسی ایشن نے لگاتار 2 دن میچز کے انعقاد پر تحفظات کا اظہار کیا ہے۔ راجیو گاندھی اسٹیڈیم میں 9 اکتوبر کو نیوزی لینڈ اور نیدر لینڈز کا میچ ہےجبکہ 10 اکتوبر کو پاکستان اور سری لنکا کا میچ ری شیڈولڈ کیا گیا ہے۔ میچز کے دروان وقفہ نہ ہونے پر تحفظات کا اظہار کیا ہے۔
پاکستان سری لنکا کا میچ پہلے شیڈول کے مطابق 12 اکتوبر کو حیدر آباد میں ہونا تھا۔ لاجسٹک مسائل کی وجہ سے پاکستان سری لنکا کامیچ پھر 2 روز پہلے شیڈول کیا گیا تھا۔ پاکستان انگلینڈ کا میچ بھی کالی پوجا کی وجہ سے کولکتہ میں 12نومبر کی بجائے 11نومبر کوکھیلا جائے گا۔
