حیدرآباد (دکن فائلز) جموں و کشمیر کے اننت ناگ میں دہشت گردوں کے ساتھ انکاونٹر میں فوج کے کرنل، میجر اور کشمیر پولیس کے ڈی ایس پی کی شہادت کے بعد کانگریس پارٹی نے وزیراعظم نریندر مودی پر بڑا حملہ کیا ہے۔ پارٹی ترجمان پون کھیڑا نے ٹوئٹ کیا کہ آج جس وقت کشمیر میں ہماری فوج کے تین افسران کے شہید ہونے کی مایوس کن خبریں آرہی تھیں، اسی وقت بی جے پی ہیڈ کوارٹر میں بادشاہ کےلئے جشن کی محفل سجی تھی۔ چاہے کچھ بھی ہوجائے، وزیراعظم اپنی واہ واہی کو ٹال نہیں سکتے۔ پون کھیڑا نے کہا کہ کچھ بھی ہوجائے لیکن وزیر اعظم اپنی واہوہی کو ملتوی نہیں کرسکتے۔
आज जिस समय सीमा पर हमारी सेना के 3 अधिकारियों के शहीद होने की दुखद खबरें आ रही थीं उसी समय भाजपा हेडक्वर्टर में बादशाह के लिये जश्न की महफ़िल सजी थी।
चाहे कुछ भी हो जाए, प्रधान मंत्री अपनी वाहवाही को टाल नहीं सकते।
— Pawan Khera 🇮🇳 (@Pawankhera) September 13, 2023
واضح رہے کہ جی 20 کے کامیاب انعقاد کے پیش نظر بدھ کی شام بی جے پی کے نیشنل ہیڈ کوارٹر میں وزیر اعظم مودی کے استقبالیہ پروگرام کا اہتمام کیا گیا تھا۔ جس میں پارٹی کے قومی صدر جے پی نڈا نے وزیر اعظم کا استقبال کیا۔ اس دوران کئی مرکزی وزرا اور ارکان پارلیمنٹ موجود تھے۔ وزیر اعظم کے استقبال کے لیے نعرے لگائے گئے اور پارٹی میں جشن کا ماحول تھا، جس پر کانگریس نے سوال اٹھائے ہیں۔
