حیدرآباد (دکن فائلز) تلگودیشم پارٹی سربراہ این چندرابابو نائیڈو کی جانب سے اسکل کیس میں سی آئی ڈی کی ایف آئی آر جو منسوخ کرنے کی گذارش کرتے ہوئے دائر عرضی پر سماعت کرتے ہوئے سپریم کورٹ کی دو رکنی بنچ نے مختلف فیصلہ سنایا۔
دو ججوں جسٹس انیرودھ بوس اور جسٹس بیلا ترویدی پر مشتمل بنچ نے اس معاملہ میں مختلف فیصلے سنائے۔ جسٹس انیرودھ بوس نے کہا کہ اپوزیشن لیڈر کی حیثیت سے چندرا بابو پر دفعہ 17A لاگو ہوگا جبکہ جسٹس بیلا ترویدی نے کہا کہ دفعہ 17A چندرا بابو پر لاگو نہیں کیا جا سکتا۔ اس طرح دونوں ججوں کے تضاد کے بعد اب سپریم کورٹ کی وسیع بنچ اس معاملہ کی سماعت کریگی۔ آج کے فیصلہ میں دونوں ججوں کے فیصلے ایک دوسرے سے مختلف تھے۔
جسٹس انیرودھ بوس کے مطابق “بدعنوانی کی روک تھام ایکٹ، 1988 کی دفعہ 17A چندرا بابو پر لاگو ہوتی ہے، ان کے عہدہ پر رہتے ہوئے کیے گئے فیصلوں کی انکوائری غیر قانونی ہوگی۔ دفعہ 13(1)(c)، سیکشن 13(1) ) (d)، دفعہ 13 (2) چندرا بابو سے درج ذیل مجرمانہ الزامات میں مناسب (گورنر) کی اجازت لیے بغیر پوچھ گچھ نہیں کی جا سکتی۔ ریاستی حکومت اب بھی اس معاملے میں چندرا بابو سے پوچھ گچھ کرنے کی اجازت لے سکتی ہے۔
تاہم، جسٹس بیلا ترویدی نے اپنے ساتھی جج جسٹس انیرودھ بوس کے فیصلے سے اختلاف کیا اور واضح کیا گیا کہ 17A صرف 2018 کے بعد ہونے والے جرائم پر لاگو ہوتا ہے۔ انہوں نے کہا کہ 2018 میں جب قانون میں ترمیم کی گئی تو اس کا اطلاق پہلے کے جرائم پر نہیں ہو سکتا۔ انہوں نے کہاکہ دفعہ 17 کا مقصد کرپٹ عوامی نمائندوں کو فائدہ پہنچانا نہیں ہے۔
