اترپردیش میں اب کوئی سڑک پر نماز نہیں پڑھتا، مسجدوں سے مائک اترگئے۔۔۔ یوگی ادتیہ ناتھ کے متنازعہ ریمارکس کے خلاف الیکشن کمیشن سے شکایت (ویڈیو دیکھیں)

حیدرآباد (دکن فائلز) کرناٹک میں بنگلور کی انسانی حقوق کی تنظیم نے نے الیکشن کمیشن سے اترپردیش کے وزیر اعلی یوگی آدتیہ ناتھ کے خلاف مہاراشٹر میں ایک انتخابی ریلی کے دوران مسلم کمیونٹی کو نشانہ بناتے ہوئے اشتعال انگیز نے والی اشتعال انگیز تقریر کرنے کا الزام عائد کرتے ہوئے شکایت کی ہے۔

While addressing a rally in #Maharashtra's #Palghar on Saturday, #UttarPradesh CM #YogiAdityanath said "now, no one dares to offer namaz on the roads of UP. The mosques have removed their mic. In the next five years, people will forget about screams (Azan) from mosques".… pic.twitter.com/inzGOUBeWA

— Hate Detector 🔍 (@HateDetectors) May 19, 2024

کلاریون انڈیا کی رپورٹ کے مطابق لاء اینڈ پالیسی ریسرچ انسٹی ٹیوٹ نے گذشتہ ہفتہ کو پالگھر میں یوگی کی متنازعہ تقریر کے خلاف الیکشن کمیشن اور مہاراشٹر کے چیف الیکشن آفیسر سے شکایت کی ہے۔ تنظیم کے مطابق یوگی کے متنازعہ و اشتعال انگیز ریمارکس سے نہ صرف ملک کے سیکولر تانے بانے کو نقصان پہنچا ہے بلکہ فرقہ وارانہ ہم آہنگی کو بھی خطرہ ہے۔

واضح رہے کہ اترپردیش کے وزیراعلیٰ یوگی ادتیہ ناتھ نے ایک بار پھر مسلمانوں کے خلاف متنازعہ ریمارکس کئے۔ انہوں نے ایک انتخابی ریلی سے خطاب کرتے ہوئے کہا کہ ’اترپردیش میں اب تو کوئی سڑک پر نماز بھی نہیں پڑھتا، اب مسجدوں کے بھی مائک اترگئے ہیں اور اگلے پانچ سال بعد لوگ یہ بھی بھول جائیں گے کہ کوئی چلاہٹ ہوتی تھی اور لوگ پریشان ہوتے تھے‘۔