حیدرآباد (دکن فائلز) امریکی انتخابات 2024 میں راشدہ طلیب، الہان عمر، اور آندرے کارسن سبھی اپنی نشستوں پر دوبارہ منتخب ہوئے ہیں۔ 5 نومبر کو ہونے والے کانگریس کے انتخابات میں تین مسلمان امیدوار امریکی ایوان نمائندگان کے لیے دوبارہ منتخب ہوئے۔
کانگریس میں واحد فلسطینی امریکی ڈیموکریٹک نمائندہ راشدہ طلیب مشی گن کے 12 ویں کانگریشنل ڈسٹرکٹ میں اپنی نشست پر برقرار رہیں۔ وہ گذشتہ سال سے غزہ کی پٹی پر جاری جنگ کے دوران اسرائیل کو امریکہ کی فوجی امداد کے خلاف آواز بلند کرنے والی سرکردہ رہنما رہی ہیں۔
کانگریس میں دو مسلم خواتین میں سے پہلی، الہان عمر نے وسط مغربی ریاست مینیسوٹا کی نمائندگی کرتے ہوئے تیسری بار کامیابی حاصل کی۔ ڈیموکریٹک کانگریس رکن نے ایکس پر اپنے حامیوں کا شکریہ ادا کرتے ہوئے کہاکہ “یہ ہم سب کی جیت ہے جو یقین رکھتے ہیں کہ ایک بہتر مستقبل ممکن ہے”
عمر اسکواڈ کے نام سے مشہور ایوان کے ترقی پسند ارکان میں سے ایک ہیں اور غزہ میں اسرائیل کی جنگ کے شدید ناقد ہیں۔
ڈیموکریٹک نمائندے آندرے کارسن انڈیانا کے 7 ویں ڈسٹرکٹ میں دوبارہ منتخب ہوئے، جہاں انہوں نے ریپبلکن جان شمٹز کو شکست دی۔ کارسن پہلی بار کانگریس کے لیے 2008 میں سابقہ نمائندے، ان کی دادی جولیا کارسن کی موت کے بعد منتخب ہوئے تھے۔
