حیدرآباد (دکن فائلز) کیا آپ نے کبھی سوچا تھا کہ ایک موبائل فون کا رنگ بھی ملک میں فرقہ واریت پھیلانے کا ذریعہ بن سکتا ہے؟ جی ہاں، ہمارے ملک کا نام نہاد “گودی میڈیا” اب اس نئی بلندی کو چھو رہا ہے۔ ان کی عقل و شعور سے عاری حرکتیں اب آئی فون 17 کے نئے نارنجی رنگ تک پہنچ چکی ہیں۔
آئی فون کا “کوسمک اورنج” اور گودی میڈیا کی “کوسمک” سوچ
گودی میڈیا اپنی ناپاک حرکتوں سے باز نہیں آرہا ہے۔ اب یہ آئی فون 17 کے نئے نارنجی رنگ (اورنج کلر) کو لیکر ہندو مسلم کرنے میں مصروف ہے۔ ان کا دعویٰ ہے کہ “کوسمک اورنج” رنگ کا فون لینے کےلئے لوگ دیوانے ہورہے ہیں۔
ان کی رپورٹنگ کے مطابق زعفرانی رنگ کا فون لینے والوں میں مسلمانوں کی بڑی تعداد شامل ہے۔ یہ میڈیا متعدد مسلم نوجوانوں کو دکھا کر یہ تاثر دے رہا ہے کہ انہیں اورنج رنگ بہت پسند ہے۔ گویا یہ کوئی نئی دریافت ہو کہ لوگ اپنی پسند کا رنگ خرید رہے ہیں۔
زعفرانی رنگ کی “مذہبی” تشریح
گودی میڈیا میں بتایا جارہا ہے کہ نئی سیریز کا سب سے زیادہ چرچا “کوسمک اورنج” رنگ کا ہے۔ ان کے مطابق، یہ رنگ زعفرانی رنگ سے کافی مشابہت رکھتا ہے۔ اسی وجہ سے ہندوستانی خریداروں میں اس کی خاص مقبولیت ہے۔ یہ ایپل کی طرف سے پیش کیے گئے سب سے دلکش رنگوں میں سے ایک ہے۔ لیکن گودی میڈیا نے اسے مذہب سے جوڑنے کی کوشش کی ہے۔ وہ یہ بتانے کی کوشش کر رہے ہیں کہ ہندوستانی مسلمانوں کو زعفرانی رنگ بہت پسند ہے۔
فرقہ واریت کا نیا “رنگین” ایجنڈا
گودی میڈیا کی جانب سے اورنج رنگ کو بھگوا رنگ بتاکر اسے مذہب سے جوڑنے کی کوشش کی جارہی ہے۔ یہ ایک مضحکہ خیز اور شرمناک حرکت ہے۔ کیا اب ہم اپنے پسندیدہ رنگ بھی ان کی اجازت سے منتخب کریں گے؟ یہ میڈیا ہر چھوٹی سے چھوٹی چیز میں بھی فرقہ واریت کا زہر گھولنے پر تلا ہوا ہے۔ ان کا مقصد صرف اور صرف معاشرے میں تقسیم پیدا کرنا ہے۔ یہ صحافت نہیں، بلکہ نفرت پھیلانے کا ایک منظم ایجنڈا ہے۔
مسلمانوں کا دو ٹوک جواب: رنگوں کا خالق اللہ ہے!
سوشل میڈیا پر گودی میڈیا کی اس اوچھی حرکت کا بھرپور جواب دیا جا رہا ہے۔ ایک سوشل میڈیا صارف نے گودی میڈیا کی اس حرکت کا جواب دیتے ہوئے کہا کہ ’مسلمانوں کو زعفرانی رنگ اس لئے پسند ہے کیونکہ یہ رنگ ہمارے ترنگے میں موجود ہے۔ یہ ہماری قومی شناخت کا حصہ ہے۔‘
ایک اور صارف نے بتایا کہ ’مسلمانوں کو ہر کلر سے محبت ہے اور ہم سمجھتے ہیں کہ دنیا کے تمام رنگوں کا خالق اللہ تعالیٰ ہے۔‘ یہ ایک سادہ اور سچی حقیقت ہے جسے گودی میڈیا سمجھنے سے قاصر ہے۔ اللہ تعالیٰ نے کائنات کو رنگوں سے سجایا ہے، اور ہر رنگ اس کی قدرت کا شاہکار ہے۔
یہ واقعہ ایک بار پھر ثابت کرتا ہے کہ گودی میڈیا کس حد تک گر چکا ہے۔ ان کا مقصد خبریں دکھانا نہیں، بلکہ ایک خاص بیانیہ کو فروغ دینا ہے۔ انہیں مناسب جواب دینے کےلئے اس خبر کو زیادہ سے زیادہ شیئر کریں۔
