حیدرآباد (دکن فائلز) ایک دل دہلا دینے والا واقعہ سامنے آیا ہے جہاں ایک جنونی عاشق نے اپنی سابقہ معشوقہ پر وحشیانہ حملہ کردیا۔ میڈیا رپورٹس کے مطابق مدھیہ پردیش کے اندور میں ایک نوجوان لڑکی کو اس کے سابق بوائے فرینڈ نے اسکوٹر سے جان بوجھ کر ٹکر مار دی۔ یہ حملہ اس وقت ہوا جب لڑکی نے اس کے ساتھ تعلقات دوبارہ شروع کرنے سے انکار کر دیا۔
یہ واقعہ کَلپنا نگر علاقے میں جمعرات کی شام کو پیش آیا۔ اس حملے میں لڑکی زخمی ہو گئی اور اسے فوری طور پر ہسپتال منتقل کیا گیا۔ پولیس کے مطابق، لڑکی نے کچھ عرصہ قبل ہی ملزم سے اپنا رشتہ ختم کر دیا تھا۔ تاہم، ملزم اس پر دوبارہ تعلقات قائم کرنے کے لیے دباؤ ڈال رہا تھا۔ لڑکی کے انکار پر اس نے دھمکیاں دینا شروع کر دیں۔
Ex-boyfriend rams bike into young woman for breaking up with him.
The injured woman is undergoing treatment in the hospital.
This incident took place in Indore, Madhya Pradesh. pic.twitter.com/MRynfOZLSu
— India Brains (@indiabrains) September 26, 2025
جب لڑکی نے اس کی بات نہیں مانی تو ملزم نے انتقام لینے کا فیصلہ کیا۔ اس نے لڑکی کو سبق سکھانے کی ٹھان لی اور ایک خطرناک منصوبہ بنایا۔ عینی شاہدین کے مطابق، ملزم تیزی سے ایکٹیوا اسکوٹر پر آیا اور لڑکی کو نشانہ بنایا اور گاڑی لڑکی پر چڑھادی۔ یہ سارا واقعہ کیمرے میں قید ہو گیا اور اب سوشل میڈیا پر وائرل ہو رہا ہے۔
متاثرہ لڑکی نے ہیرا نگر پولیس اسٹیشن میں شکایت درج کروائی۔ پولیس نے لڑکی کے بیان کی بنیاد پر ملزم کے خلاف مقدمہ درج کر لیا ہے۔ ملزم پر حملہ، دھمکی اور جان بوجھ کر چوٹ پہنچانے کی دفعات لگائی گئی ہیں۔ تفتیش کے دوران یہ بات سامنے آئی ہے کہ ملزم ایک پرانا مجرم ہے۔ اس کے خلاف مختلف تھانوں میں پہلے ہی سات مجرمانہ مقدمات درج ہیں۔ پولیس نے ملزم کی شناخت کر لی ہے اور اس کی گرفتاری کے لیے خصوصی ٹیمیں تشکیل دی ہیں۔
یہ واقعہ ہمارے معاشرے میں بڑھتے ہوئے تشدد اور خواتین کے خلاف جرائم کی عکاسی کرتا ہے۔
