حیدرآباد (دکن فائلز) تلنگانہ کانگریس نے قدیر خان کے خاندان کو 50 لاکھ روپئے ایکس گریشیا دینے کا مطالبہ کیا ہے۔ قدیر خان کو میدک پولیس کی جانب سے مبینہ طور پر وحشیانہ تشدد کا نشانہ بنایا گیا تھا، وہ حیدرآباد کے گاندھی ہاسپٹل میں علاج کے دوران فوت گئے۔
Last video of Mohd Qadeer which should be taken as Dying declaration who says Medak police beat him up for 5 days & how they tried to cover it up.
I strongly condemn this atrocious act & demand SIT enquiry & ex-gratia of
50 lakhs to khadeer's family.@TelanganaCMO @TelanganaDGP pic.twitter.com/FjzYmdb8qK— Revanth Reddy (@revanth_anumula) February 19, 2023
تلنگانہ پی سی سی کے صدر اے ریونت ریڈی نے میدک پولیس کی حراست میں تشدد کے باعث محمد قادر کی موت پر سخت ردعمل کا اظہار کیا اور حکومت سے متوفی کے اہل خانہ کو پچاس لاکھ روپئے ایکس گریشیا دینے کا مطالبہ کیا۔ ریونت ریڈی نے مطالبہ کیا کہ قدیر خان کے خاندان کو ایکس گریشیا دیا جائے اور قدیر کی موت کی تحقیقات کرائی جائے۔ ریونت نے ٹویٹ میں کہا کہ ’وہ اس گھناؤنے فعل کی سخت مذمت کرتے ہیں اور ایس آئی ٹی انکوائری کا مطالبہ کرتے ہیں اور قادر کے اہل خانہ کو 50 لاکھ روپے ایکس گریشیا ادا کرنے کا حکومت سے مطالبہ کرتے ہیں‘۔
واضح رہے کہ قدیر کا ایک ویڈیو وائرل ہوگیا جس میں انہوں نے الزام عائد کیا تھا کہ میدک پولیس نے انہیں 5 دن تک غیرقانونی طور پر تشدد کا نشانہ بنایا۔ دریں اثنا تلنگانہ کے ڈی جی پی انجنی کمار نے اس معاملہ کی تحقیقات کا حکم دیا ہے۔
تلنگانہ کے سی ایم کے سی آر نے سکندرآباد کنٹونمنٹ ایم ایل اے سیانا کے انتقال پر تعزیت کا اظہار کیا۔
