اسرائیل نے امید ظاہر کی ہے کہ سعودی عرب کے حکام مسلمان شہریوں کے لیے براہ راست پروازوں کی اجازت دیں گے جو آئندہ ماہ حج کی سعادت حاصل کرنا چاہتے ہیں۔
اسرائیلی وزیر خارجہ ایلی کوہن نے بدھ کے روز کہا کہ ایک درخواست جمع کرائی گئی ہے اور “یہ مسئلہ زیر بحث ہے۔”
اسرائیلی وزیر خارجہ نے مزید بتایا کہ تاہم ابھی یہ مسئلہ زیر بحث ہے اور میں اس وقت یہ نہیں بتا سکتا کہ کیا کوئی پیش رفت ہوئی ہے تاہم سعودی عرب کے ساتھ تعلقات کو آگے بڑھانے سے متعلق میں کافی پُر امید ہوں۔
اسرائیل نے انکشاف کیا ہے کہ وہ سعودی عرب کے لیے ممکنہ براہ راست حج پروازوں کے لیے بات چیت کر رہا ہے۔
دنیا بھر سے لاکھوں مسلمان ہر سال حج کے لیے مکہ جاتے ہیں۔ حج اسلامی قمری کیلنڈر کے 12ویں مہینے میں ہوتا ہے جسے ذوالحجہ کہا جاتا ہے۔
واضح رہے کہ اسرائیل اور فلسطین سے مسلمان اس وقت تیسرے فریق ممالک کے ذریعے مکہ جاتے ہیں، جو اضافی اخراجات اور پریشانی کا باعث بنتا ہے۔
