(ایجنسیز) ہندوستانی کرکٹ بورڈ ( بی سی سی آئی) کے سیکرٹری جے شاہ انٹرنیشنل کرکٹ کونسل کے چیئرمین منتخب ہوگئے۔ میڈیا رپورٹس کے مطابق شاہ منگل کو بلا مقابلہ آئی سی سی کے چیئرمین منتخب ہوئے، وہ انٹرنیشنل کرکٹ کونسل کے کم عمر ترین چیئرمین ہیں۔ جئے شاہ، وزیر داخلہ امت شاہ کے فرزند ہیں۔
فی الحال 35 سالہ جے شاہ 2019 سے بی سی سی آئی کے اعزازی سیکرٹری اور 2021 سے ایشین کرکٹ کونسل کے چیئر میں کے طور پر خدمات انجام دے رہےہیں۔ آئی سی سی کےچیئرمین گریگ بارکلے نے گزشتہ ہفتے دستبردار ہونےکا اعلان کیا تھا، ان کی مدت ملازمت نومبر میں ختم ہوگی جس کے بعد نئے آئی سی سی چیئرمین یکم دسمبر سے اپنی ذمہ داریاں نبھائیں گے۔
واضح رہے کہ ہندوستان کے جگ موہن ڈالمیا اور شرد پوار ماضی میں آئی سی سی چیف رہ چکے ہیں۔
