انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کے سپر 12 مرحلے کے اہم میچ میں دلچسپ مقابلے بعد ٹیم انڈیا نے بنگلادیش کو 5 رنز سے ہرادیا۔
بنگلادیش کو جیت کے لیے آخری اوور میں 20 رنز درکار تھے لیکن وہ 14 رنز بنانے میں کامیاب ہوسکی، یوں ہندوستان میچ 5 رنز سے جیت گیا۔
ایڈیلیڈ میں کھیلے گئے میچ ٹیم انڈیانے بنگلادیش کو ڈک ورتھ لیوئس میتھیڈ کے تحت 16 اوورز میں 151 رنز کا ہدف دیا، حریف ٹیم 6 وکٹ پر 145 رنز بناسکی۔
بنگلادیش نے ہدف کے تعاقب کےلیے زبردست آغاز کیا، اس کی پہلی وکٹ 8 ویں اوورز میں 68 رنز پر گری تاہم اس کے بعد وقفے وقفے سے وکٹیں گرنے کا سلسلہ جاری رہا اور میچ پر ٹیم انڈیاکی گرفت مضبوط ہوتی چلی گئی۔
میچ میں ٹیم انڈیانے بنگلادیش کو 185 رنز کا ہدف دیا تاہم بارش کے باعث بنگلا دیش کو اب 16 اوورز میں 151 رنز بنانے ہوں گے۔
ایڈیلیڈ میں جارحانہ انداز میں ہدف کا تعاقب کرنے والی بنگلادیش کی ٹیم نے 15 اوورز میں 6 وکٹ کے نقصان پر 131 رنز بنا لیے ہیں، اسے آخری 6 گیندوں پر رنز 20 درکار ہیں۔
اس دوران تیز بارش ہوجانے کے باعث میچ روک دیا گیا تھا۔ لٹن داس 59 اور نجم الحسین 7 رنز پر ناٹ آؤٹ ہیں۔
میچ میں بنگلادیش نے ٹاس جیت کر ٹیم انڈیاکو پہلے بیٹنگ کی دعوت دی جس پر ٹیم انڈیانے مقررہ اوورز میں 6 وکٹ پر 184 رنز بنائے۔
ٹیم انڈیاکے ویرات کوہلی 64 رنز بنا کر ناٹ آؤٹ رہے جبکہ کے ایل راہول 50 اور سوریاکمار یادیو نے 30 رنز بنائے۔
بنگلادیش کے حسن محمود نے 3 کھلاڑیوں کو آؤٹ کیا۔
دونوں ٹیموں نے پلیئنگ الیون میں ایک ایک تبدیلی کی ہے۔
بنگلادیش نے سومیا سرکار کی جگہ شرف الاسلام اور ٹیم انڈیانے دیپک ہودا کی جگہ اکسر پٹیل کو میچ کھلایا ہے۔
گروپ 2 میں اس وقت ہندوستان دوسرے اور بنگلادیش تیسرے نمبر پر موجود ہے۔
ہندوستان اور بنگلادیش کے درمیان اب تک 12 ٹی ٹوئنٹی میچز کھیلے جاچکے ہیں جن میں سے ٹیم انڈیانے 10 میں فتح حاصل کی۔
