حیدرآباد (دکن فائلز) حیدرآباد کے پرانے شہر میں ایک خوفناک واقعہ پیش آیا۔ ٹپہ چبوترہ میں ایک آوارہ کتے نے پانچ سالہ معصوم لڑکے پر حملہ کردیا۔ یہ خوفناک واقعہ سی سی ٹی وی میں قید ہوگیا جبکہ اس کا ویڈیو سوشل میڈیا پر وائرل ہے۔
Stray dog menace haunts Hyderabad once again.@KP_Aashish This footage is scary especially the way the dog pounced on the little kid. Incident at Tappachabutra couple of days ago. Now the parents of the kid are forced to spend Rs 3 lakh for the boy's surgery! pic.twitter.com/IONkce2eds
— Mohammed Mubeen (@Mohamme73952323) September 8, 2023
تفصیلات کے مطابق ٹپہ چبوترہ میں ایک خاتون اپنے دو بچوں کے ساتھ گھر جارہی تھی کہ سڑک پر موجود ایک آوارہ کتے نے اچانک اس کے چھوٹے لڑکے پر حملہ کردیا اور گردن کترتے ہوئے لڑکے کو نیچے گرادیا۔ ماں نے فوری طور پر بچہ کو بچانے کی کوشش کی تاہم کتے نے خاتون پر بھی حملہ کرنے کی کوشش کی لیکن ایک مقامی شخص نے کتے کو پتھر سے مارتے ہوئے اسے وہاں سے بھگادیا۔
کتے کے حملہ میں پانچ سالہ معصوم لڑکا بری طرح زخمی ہوگیا، جسے فوری طور پر دواخانہ منتقل کیاگیا۔ واقعہ کس تاریخ کو پیش آیا، اس کی کوئی توثیق نہیں کی گئی تاہم آج یہ ویڈیو سوشل میڈیا پر وائرل ہوگیا۔
سوشل میڈیا پر یہ بھی بتایا جارہا ہے کہ کتے کے حملہ میں شدید طور پر زخمی لڑکے کی سرجری کےلئے تقریباً تین لاکھ روپئے کا خرچہ ہورہا ہے۔
