(ایجنسیز) مالدیپ کی پارلیمنٹ میں اجلاس کے دوران حکومت اور حزب اختلاف کے ارکان آپس میں شدید لڑائی کے مناظر دیکھے گئے۔ اس واقعہ کا ویڈیو وائرل ہوگیا۔ میڈیا رپورٹس کے مطابق مالدیپ کا پارلیمنٹ اُس وقت میدانِ جنگ بنا جب حکومتی اتحاد کے ارکان نے خصوصی اجلاس کی کارروائی میں خلل ڈالنے کی کوشش کی۔
#WATCH | Dramatic visuals from Maldives Parliament as opposition MPs are prevented from entering Parliament floor ahead of Parliamentary approval of Muizzu's Cabinet. pic.twitter.com/mVc6TT1yp4
— WION (@WIONews) January 28, 2024
سوشل میڈیا پر گردش کرتی ویڈیو میں دیکھا جا سکتا ہے کہ ارکان آپس میں دست و گریباں ہیں۔ پی پی ایم سے تعلق رکھنے والے حکومتی اور صدر محمد معیزو کی جماعت پی این سی کے ارکان نے پارلیمنٹ کی کارروائی میں رکاوٹ ڈالنے کی کوشش کی۔
سابق صدر ابراہیم محمد صالح کی جماعت ایم ڈی پی کو پارلیمنٹ میں اکثریت حاصل ہے۔ صدر محمد معیزو کی کابینہ میں وزرا کی شمولیت کیلیے پارلیمنٹ سے منظوری حاصل کرنے کیلیے خصوصی اجلاس بلایا گیا تھا۔ اجلاس میں وزرا کیلیے 22 میں سے 18 ناموں کی منطوری دی گئی جبکہ باقی 4 کو مسترد کیا گیا۔ اس پر حکومتی اتحاد کے ارکان نے ہنگامہ آرائی کی اور کارروائی کو متاثر کرنا چاہا۔
