کل ہند مجلس اتحادالمسلمین کے سربراہ بیرسٹر اسدالدین اویسی نے ہریانہ کے وزیر اعلی منوہر لال کھٹر پر الزام لگایا ہے کہ وہ نوح میں تشدد کے بعد بلڈوزر سے کارروائی کا حکم دیتے ہوئے قانون اور عدالیہ کی توہین کررہے ہیں۔ اویسی نے وزیراعلیٰ کے بلڈوزر حکم کو مسلمانوں کے لیے “اجتماعی سزا” قرار دیا۔
نوح کے ڈپٹی کمشنر دھیریندر کھڈگتا کے اس بیان کا جواب دیتے ہوئے کہ تشدد سے متاثرہ علاقے میں اعتماد سازی کے اقدامات جاری ہیں، اسدالدین اویسی نے وزیراعلیٰ کھٹر پر تنقید کی۔
“Confidence Building" means buildings,homes and medical shops &shanties of one community (Muslims)should be Demolished without following due process to give collective punishment.
The @mlkhattar government has usurped the rights of Courts of Law
“ Confidence "is being given to… https://t.co/t8WpMP1U7H— Asaduddin Owaisi (@asadowaisi) August 6, 2023
انہوں نے ٹوئٹ کیا کہ “اعتماد سازی کا مطلب ہے کہ ایک کمیونٹی (مسلمانوں) کی عمارتیں، مکانات اور میڈیکل شاپس، اور جھونپڑیوں کو اجتماعی سزا دینے کے لیے مناسب قانونی عمل کے بغیر گرا دیا جائے۔ @ mlkhattar حکومت نے عدالتوں کے حقوق سلب کردیا‘‘۔
واضح رہے کہ نوح فسادات کے بعد وزیراعلیٰ کے حکم پر بلڈوزر کے ذریعہ سینکڑوں ڈھانچوں (مکانات، جھوپڑی، دکانات، ہوٹلز وغیرہ) کو منہدم کردیا گیا۔ مقامی عوام نے ریاستی حکومت پر اس کاروائی کے ذریعہ مسلمانوں کو نشانہ بنانے کاالزام عائد کیا ہے۔
