اتر پردیش کے ماؤ ضلع کی گھوسی اسمبلی سیٹ پر ضمنی انتخاب ہونے جا رہا ہے۔ بی جے پی نے گھوسی ضمنی انتخاب کے لیے دارا سنگھ چوہان کو اپنا امیدوار نامزد کیا ہے۔ اتوار کو ضلع کے تھانہ سرائے لکھنشی علاقے کے ادری گاؤں کے نزدیک انتخابی مہم کے دوران دارا سنگھ چوہان کے منہ پر سیاہی پھینک دی گئی۔ اطلاعات کے مطابق وہ ضلع موو کے ایک قصبے میں پہنچے اور انہوں نے انتخابی مہم چلانا شروع ہی کیا تھا کہ ایک شخص نے ان پر سیاہی پھینک دی۔
VIDEO | Ink was thrown at BJP candidate Dara Singh Chauhan in Mau, Uttar Pradesh during the election campaign, earlier today. "Efforts are underway to nab the accused," said Additional SP Mahesh Singh Attri. pic.twitter.com/vE1VE4zCiR
— Press Trust of India (@PTI_News) August 20, 2023
دارا سنگھ چوہان نے 2022 میں سماج وادی پارٹی کے ٹکٹ پر الیکشن جیتا تھا لیکن انہوں نے اسمبلی کی سیٹ سے استعفیٰ دے دیا اور اسی سیٹ سے بی جے پی کے ٹکٹ پر الیکشن لڑ رہے ہیں۔ دارا سنگھ کو سماج وادی پارٹی چھوڑ کر بی جے پی سے الیکشن لڑنے پر عوامی غصے کا سامنا کرنا پڑ رہا ہے۔
سیاہی پھینکنے کے بعد وہ انتخابی مہم ادھوری چھوڑ کر وہاں سے روانہ ہوگئے جبکہ سیاہی پھینکے والا شخص بھی وہاں سے فرار ہوگیا۔ پولیس اب اس شخص کی تلاش کررہی ہے۔ واضح رہے کہ بی جے پی امیدوار پر حملے کے دوران پولیس اہلکار بھی وہاں موجود تھے۔ اب اس واقعہ کی ویڈیو سوشل میڈیا پر خوب وائرل ہورہی ہے۔ گھوسی اسمبلی کی سیٹ پر ضمنی انتخاب 5 ستمبر کو ہوگا۔
