حیدرآباد (دکن فائلز) ایودھیا کے سنت پرمہنس آچاریہ نے اعلان کیا کہ وہ تمل ناڈو کے وزیر اور ڈی ایم کے لیڈر اودے ندھی اسٹالن کا سر قلم کرنے والے کو دس کروڑ روپے کا انعام دیں گے، جنہوں نے سناتن دھرم پر متنازعہ تبصرہ کیا تھا۔
پرمہنس آچاریہ کا کہنا ہے کہ اودے ندھی کے ذریعہ سناتن مذہب کو مچھر، ڈینگو، ملیریا اور کورونا کی طرف ملک سے ختم کرنے کی بات سے انہیں کافی تکلیف ہوئی ہے۔ ایودھیا میں اودے ندھی اسٹالن کا پُتلا نذرِ آتش کیا گیا۔ پرمہنس آچاریہ نے اودے ندھی کی تصویر جلاکر احتجاج کیا۔ اس دوران علامتی طور سے اودے ندھی اسٹالن کا سر قلم بھی کیا گیا۔
اس موقع پر پرمہنس آچاریہ نے اعلان کیا کہ ’جو بھی اودے ندھی اسٹالن کا سر قلم کر کے لائے گا، اسے 10 کروڑ روپے کا انعام دیا جائے گا‘۔
واضح رہے کہ تمل ناڈو کے وزیر ادھیانیدھی اسٹالن، جو وزیر اعلی ایم کے اسٹالن کے بیٹے ہیں،نے سنیچر کویہ کہہ کر تنازعہ کھڑا کر دیا تھا کہ سناتن دھرم مچھر، ڈینگو اور ملیریا کی طرح ہے، جسے “ختم کرنا ہوگا۔
