حیدرآباد (دکن فائلز) :اننت ناگ انکاؤنٹر میں ملک کےلئے اپنی جان قربان کرنے والےجموں و کشمیر کے ڈی ایس پی ہمایوں مزمل بھٹ کی آخری رسومات ادا کی گئیں۔ جموں و کشمیر کے اننت ناگ ضلع کے کوکرناگ علاقے میں گذشتہ روز صبح سیکورٹی فورسز اور دہشت گردوں کے درمیان تصادم شروع ہونے کے بعد فوج اور جموں و کشمیر پولیس کے تین جوان شہید ہوئے تھے۔
جموں و کشمیر کے لیفٹیننٹ گورنر منوج سنہا نے انکاؤنٹر میں اہلکاروں کی ہلاکت پر اپنے غم کا اظہار کیا اور بدھ کے روز بڈگام میں جے کے ڈی ایس پی کو خراج عقیدت پیش کیا۔ جے کے پی کے ڈی وائی ایس پی ہمایوں بھٹ کو خراج تحسین پیش کیا، جنہوں نے اننت ناگ میں انسداد دہشت گردی آپریشن میں اپنی جان قربان کی۔ میں کرنل منپریت سنگھ اور میجر آشیش دھوناک کی بے مثال ہمت اور عظیم قربانی کو سلام کرتا ہوں۔ پوری قوم غم کی اس گھڑی میں ان کے اہل خانہ کے ساتھ مضبوطی سے کھڑی ہے۔
ایل جی کے دفتر نے سوشل میڈیا پلیٹ فارم،ایکس پر ایک پوسٹ میں کہا۔ بدھ کے روز ہندوستانی فوج نے مطلع کیا کہ ہندوستانی فوج کے ایک کرنل جو ایک میجر کے ساتھ راشٹریہ رائفلز یونٹ کی کمانڈ کررہے تھے، کشمیر میں دہشت گردوں کے ساتھ اننت ناگ میں ایک مقابلے میں اپنی جانیں گنوا بیٹھے ہیں۔ ہندوستانی فوج کے ایک کرنل نے ایک میجر کے ساتھ راشٹریہ رائفلز یونٹ کی کمانڈ کر رہے تھے کشمیر میں دہشت گردوں کے ساتھ اننت ناگ میں ایک مقابلے میں اپنی جانیں گنوا دیں۔
شہید ڈی ایس پی ہمایوں بھٹ ترال کے رہنے والے تھے، گزشتہ سال شادی ہوئی تھی۔ڈی ایس پی ہمایوں بھٹ کو بدھ کی رات ضلع بڈگام میں سپرد خاک کیا گیا۔ قبل ازیں جموں و کشمیر کے لیفٹیننٹ گورنر منوج سنہا اور ڈی جی پی دلباغ سنگھ نے انہیں خراج عقیدت پیش کیا۔ ہمایوں جنوبی کشمیر کے ترال کا رہنے والا تھا۔ اس کی شادی پچھلے سال ہی ہوئی تھی۔ اس کا ایک 2 ماہ کا بیٹا ہے۔
