حیدرآباد (دکن فائلز) کانگریس پارٹی نے اعلان کیا ہے کہ ان کے پارٹی رہنما ایودھیا میں رام مندر کی افتتاحی تقریب میں شرکت نہیں کریں گے۔ سونیا گاندھی، ملکارجن کھرگے اور ادھیر رنجن چودھری کو 22 جنوری کو رام مندر کی افتتاحی تقریب میں شرکت کے لیے دعوت دی گئی تھی تاہم کانگریس پارٹی نے آر ایس ایس پر ایودھیا کے نام پر سیاست کرنے کا الزام عائد کرتے ہوئے دعوت کو قبول کرنے سے انکار کردیا۔
Here is the statement of Shri @Jairam_Ramesh, General Secretary (Communications), Indian National Congress. pic.twitter.com/JcKIEk3afy
— Congress (@INCIndia) January 10, 2024
ایودھیا میں رام مندر کی افتتاحی تقریب میں کانگریس رہنماؤں کی شرکت کو لیکر جاری قیاس آرائیوں کا آج اختتام ہوگیا جب کانگریس کی جانب سے باضابطہ اعلان کیا گیا کہ ان کی پارٹی کے رہنما اس تقریب میں شرکت نہیں کریں گے۔
کانگریس پارٹی اس پورے پروگرام کو یہ کہتے ہوئے دوری اختیار کرلی کہ یہ آر ایس ایس اور بی جے پی کا پروگرام ہے۔ کانگریس نے تنقید کی کہ ایودھیا رام مندر کی تعمیر ابھی مکمل نہیں ہوئی ہے، لیکن لوک سبھا انتخابات سے قبل اس کا افتتاح انجا دیا جارہا ہے تاکہ سیاسی فائدے اٹھایا جاسکے۔ کانگریس نے واضح کیا کہ مذہب ذاتی معاملہ ہے۔