حیدرآباد (دکن فائلز) راجستھان میں اب گؤ رکھشکوں کے نشانے پر ہندو نوجوان بھی آگئے ہیں۔ گائے کے نام پر اب وہ ہندو نوجوانوں پر بھی ظلم کررہے ہیں۔ لیموں لے جانے والے دو ہندو نوجوانوں کو گؤ رکھشکوں نے شدید تشدد کا نشانہ بنایا۔ تفصیلات کے مطابق غنڈوں نے دو لاری ڈرائیوروں پر مویشی لے جانے کا الزام عائد کرتے ہوئے انہیں بری طرح مارپیٹ کا نشانہ بنایا۔ جبکہ وہ دونوں نوجوان لاری میں لیموں کے تھیلے لےکر جارہے تھے۔
Rajasthan: Cow vigilantes brutally thrashed Sonu Bishnoi and Sundar Bishnoi from Haryana over false allegations of transporting cattle, while in reality, the pickup truck was loaded with lemons. pic.twitter.com/5MdDyy7ujJ
— Mohammed Zubair (@zoo_bear) July 2, 2024
ہریانہ سے تعلق رکھنے والے دو ہندو نوجوانوں کو گذشتہ اتوار کی رات راجستھان کے چورو ضلع میں گؤ رکھشکوں نے شدید زدوکوب کیا۔ اس واقعہ کا ویڈیو سوشل میڈیا پر وائرل ہوگیا۔ ویڈیو میں دیکھا جاسکتا ہے کہ گؤ رکھشک غنڈے لاٹھیوں سے 29 سالہ سونو بشنوئی اور 35 سالہ سندر بشنوئی کو زمین پر گراکر لاتوں اور لاٹھیوں سے بری طرح ماررہے ہیں۔
شدید زخمی حالت میں دونوں نوجوانوں کو پولیس ہسپتال منتقل کیا اور اس معاملہ میں قتل کی کوشش کے الزام میں مقدمہ درج کرلیا۔ اس کیس کے سلسلے میں منگل 2 جولائی کو پانچ افراد کو گرفتار کیا گیا۔
