حیدرآباد (دکن فائلز) پنجاب کے گولڈن ٹیمپل میں آج شرومنی اکالی دل کے سربراہ و سابق نائب وزیر اعلیٰ سکھبیر سنگھ بادل پر ایک نامعلوم حملہ آور نے فائرنگ کردی، تاہم وہ حملہ میں محفوظ رہے۔
#WATCH | Punjab: Bullets fired at Golden Temple premises in Amritsar where SAD leaders, including party chief Sukhbir Singh Badal, are offering 'seva' under the religious punishments pronounced for them by Sri Akal Takht Sahib, on 2nd December.
Details awaited. pic.twitter.com/CFQaoiqLkx
— ANI (@ANI) December 4, 2024
میڈیا رپورٹس کے مطابق سکھبیر سنگھ بادل امرتسر میں گولڈن ٹیمپل کے دروازے پر اپنی تپسیا کی خدمت کررہے تھے کہ اچانک ایک نامعلوم شخص نے ان پر حملہ کرکے گولی فائرنگ کردی، حملہ کے بعد وہاں موجود لوگوں نے حملہ آور کو قابو میں کرلیا۔
واضح رہے کہ 62 سالہ بادل، جو پنجاب کے سابق نائب وزیر اعلیٰ تھے گولڈن ٹیمپل میں ‘سیوادار’ کے فرائض انجام دے رہے ہیں، جبکہ اکال تخت صاحب کی جانب سے ان کے خلاف ‘تنخہ’ (مذہبی سزا) سنائی گئی، اس کے علاوہ اکالی دل کے کئی دیگر رہنماؤں کو بھی ‘غلطیوں’ کے لیے سزا سنائی گئی۔ پنجاب میں 2007 سے 2017 تک پارٹی کی حکومت رہی۔
