حیدرآباد (دکن فائلز) ممبئی کی ایک لوکل ٹرین میں انتہائی شرمناک واقعہ پیش آیا۔ ٹرین میں خواتین کے ڈبہ میں ایک شخص جو بالکل برہنہ ہوکر داخل ہوگیا۔ اس دوران خواتین کو انتہائی شرمناک ہراسانی سے گذرنا پڑا۔ میڈیا رپورٹس کے مطابق چھترپتی شیواجی مہاراج ٹرمینس سے کلیان جانے والی ٹرین منگل کی شام 4.11 بجے گھاٹکوپر اسٹیشن پر رکی، یہاں ایک شخص جو مکمل برہنہ تھا ٹرین میں سوار ہوگیا۔ وہ سیدھا خواتین کے ڈبے میں داخل ہوا۔ اس دوران افراتفری پھیل گئی، اور خواتین مسافروں میں خوف و ہراس دیکھا گیا۔
Mumbai Local Viral Video, naked man in mumbai local train pic.twitter.com/kjTGnnCkyd
— Chinmay jagtap (@Chinmayjagtap18) December 17, 2024
اس موقع پر تمام خواتین برہنہ شخص کو ٹرین سے نیچے اترنے کےلئے چیخ رہی تھیں، لیکن اس نے ایک نہ سنی۔ بعدازاں خواتین کی چیخ و پکار کے بعد ریل حکام وہاں پہنچے اور اس شخص کو ٹرین سے نیچے اتاردیا۔
انتہائی شرمناک واقعہ کا ویڈیو سوشل میڈیا پر وائرل ہوگیا۔ اس واقعہ کے بعد ٹرین میں خواتین کی حفاظت کو لیکر سوال اٹھ رہے ہیں۔ بعدازاں تحقیقات میں پتہ چلا کہ اس شخص کی ذہنی حالت ٹھیک نہیں ہے۔
