حیدرآباد (دکن فائلز) کل ہند مجلس اتحاد المسلمین کے سربراہ اسد الدین اویسی نے ہفتہ کے روز وزیر اعظم نریندر مودی کی جانب سے مرکزی اقلیتی امور کے وزیر کرن رجیجو کو اجمیر شریف درگاہ پر چادر چڑھانے کے لیے بھیجے جانے پر سخت ردعمل کا اظہار کیا۔ اویسی نے بی جے پی اور اس کے اتحادیوں کی جانب سے ملک بھر میں درگاہوں اور مساجد کے بارے میں تنازعات پیدا کرنے پر سخت تنقید کرتے ہوئے کہا کہ اگر وزیراعظم چاہتے تو یہ سب روک سکتے تھے۔
حیدرآباد کے رکن پارلیمنٹ اسدالدین اویسی نے کہاکہ ’چادر بھیجنے سے کچھ نہیں ہونے والا ہے۔ بی جے پی، سنگھ پریوار اور ملک بھر میں ان کی تنظیمیں عدالتوں میں جا رہی ہیں اور مطالبہ کر رہی ہیں کہ یہاں کھدائی کی جائے۔‘ انہوں نے مزید کہاکہ ’وہ کہہ رہے ہیں کہ یہ مسجد نہیں ہے، یہ درگاہ نہیں ہے، اگر وزیر اعظم چاہیں تو یہ سب بند ہو سکتا ہے۔ گذشہ دس سالوں سے نریندر مودی کی زیر قیات بی جے پی کی حکومت ہے۔ اتر پردیش میں 7 سے زیادہ مساجد اور درگاہوں کو لے کر تنازعہ چل رہا ہے، جہاں بی جے پی کی حکومت ہے اور جہاں سے وزیر اعظم ایم پی ہیں۔
#WATCH | Hyderabad: On PM Modi presented Chadar to Union Minister Kiren Rijiju to be offered at the Ajmer Sharif Dargah, AIMIM chief Asaduddin Owaisi, says "BJP, Sangh Parivar and their organizations in the whole country is going to the Court that there should be digging here and… pic.twitter.com/BhHlsAkkd0
— ANI (@ANI) January 4, 2025
اویسی نے کہا کہ درگاہ پر چادر چڑھانے کے علامتی عمل سے زیادہ مسلمانوں کے خلاف مظالم کا ازالہ کرنا زیادہ اہم ہے۔ انہوں نے کہا کہ مودی حکومت میں مساجد اور درگاہوں پر مسلسل حملے ہو رہے ہیں۔
