حیدرآباد (دکن فائلز) تلنگانہ میں انٹر کے طلبا کےلئے اہم خبر سامنے آرہی ہے۔ انٹر بورڈ، ریاست میں سالانہ امتحانات کے شیڈول کو تبدیل کرنے کے لیے کوشاں ہے۔ طلباء کو قومی سطح کے داخلہ امتحانات جیسے جے ای ای اور این ای ای ٹی کے لیے مناسب وقت دینے کے مقصد سے اس بار فروری کے آخری ہفتے سے امتحانات شروع کرنے کا ارادہ ظاہر کیا جارہا ہے۔ اس مقصد کے تحت بورڈ نے امتحان کے شیڈول سے متعلق فائل کو حکومت کی منظوری کے لیے بھیج دیا ہے۔
میڈیا رپورٹس کے مطابق انٹر کے سالانہ امتحانات کا 23 یا 25 فروری 2026 سے آغاز ہوسکتا ہے، جبکہ اس سلسلہ میں دو مختلف ٹائم ٹیبل تیار کر کے حکومت کو پیش کیے گئے ہیں، چونکہ چیف منسٹر ریونت ریڈی کے پاس وزارت تعلیم کا محکمہ ہے، اس لیے ان کی منظوری کے ساتھ ہی سرکاری شیڈول جاری کر دیا جائے گا۔ پڑوسی ریاست آندھراپردیش میں 23 فروری سے شروع ہونے والے امتحانات کے تناظر میں بورڈ تلنگانہ میں بھی امتحانات منعقد کرنے کا منصوبہ بنا رہا ہے۔
اس سے قبل انٹر کے امتحانات فروری میں ہوتے تھے۔ تاہم کورونا کی وبا کی وجہ سے انہیں کئی سالوں سے مارچ تک ملتوی کر دیا گیا ہے۔ اس کی وجہ سے JEE Main، EAMCET، NEET جیسے مسابقتی امتحانات کی تیاری کرنے والے طلبا شدید دباؤ میں ہیں۔ مثال کے طور پر، جب انٹر کے امتحانات پچھلے سال 5 مارچ کو شروع ہوئے تھے، JEE مین کا آخری مرحلہ 2 اپریل سے شروع ہوا تھا۔ اس کے ساتھ تیاری کے لیے صرف 12 دن دستیاب تھے۔ اس مسئلہ پر قابو پانے کے لیے بورڈ نے اس بار امتحانات ایک ہفتہ قبل کرانے کا فیصلہ کیا ہے۔
اس کے علاوہ انٹر بورڈ نے امتحانی فیس میں اضافے کی ایک اور تجویز حکومت کو بھیجی ہے۔ دریں اثنا، اس سال ریاست بھر میں انٹر سال اول اور دوم کے 9 لاکھ سے زیادہ طلباء امتحانات میں شرکت کریں گے۔
