حیدرآباد (دکن فائلز) وزارت دفاع کے تحت مرکزی حکومت کی تنظیم آرڈیننس فیکٹری (میدک) نے بھرتیوں کےلئے نوٹیفکیشن جاری کیا ہے۔ ادارہ کی جانب سے جونیئر ٹیکنیشن اور ڈپلومہ ٹیکنیشن کی اسامیوں پر بھرتی کے لیے اہل امیدواروں سے درخواستیں طلب کی گئی ہیں۔ درخواست داخل کرنے کی آخری تاریخ 21 نومبر ہے۔ کل 34 آسامیاں کنٹریکٹ کی بنیاد پر پُر کی جائیں گی۔
اہل اور دلچسپی رکھنے والے امیدواروں کو مشورہ دیا جاتا ہے کہ وہ اپنی درخواستیں ڈپٹی جنرل منیجر (ایچ آر)، آرڈیننس فیکٹری میدک، ایڈو میلارم، سنگاریڈی ضلع، تلنگانہ- 502205 پر بھیجیں۔ امیدواروں کا انتخاب تحریری امتحان کے بغیر انٹرویو کی بنیاد پر کیا جائے گا۔ نوٹیفکیشن میں کہا گیا ہے کہ مکمل تفصیلات ویب سائٹ ddpdoo.gov.in پر دیکھی جائیں۔
پوسٹس: ڈپلومہ ٹیکنیشن (سی این سی آپریٹر) 10، جونیئر ٹیکنیشن (مل رائٹ) 05، جونیئر ٹیکنیشن (فٹر الیکٹرک) 05، جونیئر ٹیکنیشن (فٹر جنرل) 03، جونیئر ٹیکنیشن (ملر) 01، جونیئر ٹیکنیشن (ایگزامینر، جونیئر ایف آئی) 09 جونیئر ٹیکنیشن۔
قابلیت: کسی تسلیم شدہ بورڈ سے 10 ویں جماعت پاس کی ہو اور متعلقہ نظم و ضبط میں ITI پاس کیا ہو۔ امیدواروں کے پاس کام کا تجربہ ہونا ضروری ہے۔
