حیدرآباد (دکن فائلز) سماج وادی پارٹی مہاراشٹر کے صدر ابو اعظمی نے دوٹوک انداز میں وندے ماترم پڑھنے سے انکار کردیا۔ انہوں نے کہا کہ یہ میرے مذہب کا معاملہ ہے، میں یہ گیت نہیں پڑھ سکتا۔ ابواعظمی کے دوٹوک بیان پر بی جے پی کے لیڈر آگ بگولا ہوگئے۔
ابواعظمی کی ممبئی رہائش گاہ کے باہر بی جے پی کے متعدد کارکنوں کی قیادت میں غیرضروری احتجاجی مظاہرہ کیا گیا۔
وہیں ابوعاصم اعظمی نے بی جے پی پر زبردست جوابی حملہ کرتے ہوئے کہا کہ ’مسلمان صرف اللہ کی عبادت کرتے ہیں، وہ اپنی ماں کی بھی عبادت نہیں کرسکتے‘۔ اسلام میں ماں کا احترام لازم ہے لیکن عبادت صرف اللہ تعالیٰ کی ہی کی جاسکتی ہے۔ مسلمان، کبھی بھی زمین ہو یا سورج کسی کی بھی پوجا نہیں کرسکتے‘۔
ویڈیو دیکھنے کےلئے لنک پر کلک کریں
https://x.com/i/status/1986748150506520962
انہوں نے بی جے پی پر طنز کرتے ہوئے کہا کہ “آپ کسی کو زبردستی ’وندے ماترم پڑھنے پر مجبور نہیں کر سکتے۔ انہوں نے کہا کہ وہ وندے ماترم کا احترام کرتے ہیں اور دیگر لوگوں کے قومی گیت پڑھنے پر انہیں کوئی اعتراض نہیں ہے”۔ انہوں نے کہا کہ “جو پڑھنا چاہتا ہے پڑھے، کون منا کر رہا ہے؟
وہیں بی جے پی کے کئی لیڈروں نے ممبئی کے باندرہ میں اعظمی کی رہائش گاہ کے باہر ’وندے ماترم‘ اور ’بھارت ماتا کی جئے‘ کے نعرے لگائے۔ میڈیا رپورٹس کے مطابق اس دوران بی جے پی ایم ایل اے راج پروہت نے اشتعال انگیزی کرتے ہوئے کہا کہ ’یہ احتجاج علامتی تھا۔ وندے ماترم پڑھنا چاہئے، اور ملک کا احترام کیا جانا چاہئے، اگر آپ کو ملک سے محبت نہیں ہے، تو پاکستان چلے جائیں…‘
ویڈیو دیکھنے کےلئے لنک پر کلک کریں
https://x.com/i/status/1986718975682814156
واضح رہے کہ مہاراشٹر کے تمام اسکولوں کو 31 اکتوبر سے 7 نومبر تک قومی گیت کی 150 ویں سالگرہ کی یاد میں وندے ماترم کا مکمل ورژن گانے کی ہدایت کی گئی تھی۔ قومی نغمہ بنکم چندر چٹرجی نے 7 نومبر 1875 کو لکھا تھا۔
