حیدرآباد (دکن فائلز) تلنگانہ میں ضلع کھمم سے تعلق رکھنے والے ذہین طالب علم محمد نہل نشوان، مسلم طالب علموں کےلئے ایک رول ماڈل ہیں۔ محمد نہل نشوان نے یہ ثابت کردیا ہے کہ اگر محنت سے تعلیم حاصل کریں اور آپ میں قابلیت ہیں تو دنیا آپ کی قدر ہر حال میں قدر کرے گی۔
ورنگل کے نیشنل انسٹی ٹیوٹ آف ٹکنالوجی (این آئی ٹی) میں تعلیم حاصل کررہے محمد نہل نشوان کو ایک کروڑ روپئے سالانہ تنخواہ کا پیکیج ملا ہے۔ وہ بی ٹیک الیکٹریکل اینڈ الیکٹرانک آخری سال کے طالب علم ہیں۔ محمد نشوان کو ملکی کمپنی کی جانب سے ایک کروڑ روپئے CTC کی پیشکش کی گئی ہے۔
اسی طرح این آئی ٹی ورنگل میں پلیسمنٹ سیزن شروع ہونے کے صرف دو ماہ کے اندر، 528 طلباء نے اچھے پیکجز کے ساتھ پلیسمنٹ حاصل کی۔ این آئی ٹی ورنگل کی تاریخ میں پہلی بار، کمپیوٹر سائنس اور انجینئرنگ ڈپارٹمنٹ کے بی ٹیک کے طالب علم نارائن تیاگی (نوئیڈا، اتر پردیش) کو ایک ملٹی نیشنل کمپنی کی طرف سے 1.27 کروڑ روپئے (سی ٹی سی) تنخواہ کا پیکیج ملا ہے۔ وہیں چھ طلباء کو 70 لاکھ روپئے تنخواہ کی پیشکش کی گئی۔
