بی جے پی کی جانب سے مبینہ طور پر تلنگانہ میں ٹی آر ایس کے ارکان اسمبلی کو خریدنے کی سازش کا پولیس نے پردہ فاش کیا ہے۔
Police say it was supposed to be a Rs 100 crore deal! BJP leaders Ramachandrabharathi, Simhayajulu businessman Nandakumar caught by police during the alleged deal. About 15crore unaccounted for cash seized. According to cops, info was given by the #TRS MLAs themselves #Telangana pic.twitter.com/TGZXEAVXaw
— Revathi (@revathitweets) October 26, 2022
اطلاعات کے مطابق حیدرآباد کے مضافاتی علاقہ معین آباد میں واقع ایک فارم ہاوز میں بی جے پی رہنماؤں کی جانب سے باضابط طور پر ایک سازش کے تحت ٹی آر ایس ارکان کو خریدنے کی منصوبہ بندی کی جارہی تھی اور ایک ایک ارکان اسمبلی کو بی جے پی میں شامل ہونے کےلیے ایک سو کروڑ روپئے کا آفر دیا جارہا تھا۔
سائبر آباد پولیس نے بی جے پی کے اس گھناؤنے چہرہ کو بے نقاب کردیا۔ پولیس کاروائی کے بعد سیاسی حلقوں میں سنسنی پھیل گئی۔ پولیس نے اس سلسلہ میں کچھ افراد کو رنگے ہاتھوں پکڑنے کا دعویٰ کیا ہے۔ پولیس کے مطابق انہیں اطلاع ملی تھی کہ دہلی سے کچھ افراد اچم پیٹ کے رکن اسمبلی بالاراجو، کولاپور کے ایم ایل اے بیرم ہرش وردھن ریڈی، پیناپاکا ایم ایل اے ریگا کانتھا راؤ اور تانڈور کے ایم ایل اے روہت ریڈی کو خریدنے کی کوشش کررہے ہیں۔
گزشتہ دو دنوں سے جاری پولیس آپریشن کے بعد تلنگانہ پولیس چھاپہ مار کر کچھ افراد کو اس وقت گرفتار کرلیا جب سودے بازی جاری تھی۔ بتایا جاتا ہے کہ ان کے پاس سے بھاری رقم ضبط کی گئی ہے۔
