ہندوستان کو ایک ہندو قوم پرست ریاست بننے کے خطرے کا سامنا ہے، ایک سبکدوش ہونے والے ڈیموکریٹک کانگریس مین نے جمعرات کو تقریر کے دوران اپنے شدید اندیشوں کا اظہارِ کیا۔
امریکی ایوان نمائندگان میں اپنی وداعی تقریر میں کانگریس مین اینڈی لیون نے اپنے آپ کو انسانی حقوق کا علمبردار قرار دیتے ہوئے کہا کہ امریکہ کو انسانی حقوق میں زیادہ کامیابی ملی ہے، حالانکہ اس کے کئی حصوں میں صورتحال سنگین تھی۔
مشی گن کی نمائندگی کرنے والے لیون نے اپنی تقریر میں تشویش کا اظہار کرتے ہوئے کہا کہ ’میں ہندوستان جیسی جگہوں پر انسانی حقوق کے لیے آواز اٹھاتا رہا ہوں، جو دنیا کی سب سے بڑی جمہوریت ہے جبکہ اب یہاں ہندو قوم پرست ریاست بننے کا خطرہ منڈلارہا ہے‘۔
اطلاعات کے مطابق لیون نے کہا ’میں ہندو مت کا چاہنے والا ہوں، جین مت، بدھ مت اور دیگر مذاہب سے محبت کرتا ہوں، جو ہندوستان میں پیدا ہوئے ہیں، لیکن ہمیں وہاں کے تمام لوگوں کے حقوق کا تحفظ کرنا چاہئے۔ چاہے وہ مسلمان ہوں، ہندو ہوں، بدھ مت ہوں، یہودی ہوں، عیسائی ہوں، جین ہوں۔انہوں نے مصر سمیت کچھ دوسرے ممالک پر بھی روشنی ڈالی جہاں انہوں نے کہا کہ ہزاروں سیاسی قیدی جیلوں میں بند ہیں۔
لیون ایوان کی خارجہ امور کی کمیٹی کے رکن ہیں اور ایشیا، بحرالکاہل، وسطی ایشیا اور عدم پھیلاؤ کی ذیلی کمیٹی کے نائب سربراہ ہیں۔ گزشتہ سال آئی اے ایم سی کے زیر اہتمام کانگریس کی ایک اور بریفنگ کے دوران، لیون نے ہندوستان میں مذہبی آزادی پر تشویش کا اظہار کیا تھا۔ انہوں نے کہا تھا کہ ’آج نریندر مودی کا ہندوستان وہ ہندوستان نہیں ہے جس سے مجھے پیار تھا‘۔
لیون نے مزید کہاکہ ’میں عوامی سطح پر ایک ایسے ملک پر تنقید کیوں کروں گا جس سے میں محبت کرتا ہوں؟ جواب یہ ہے کہ میں ہندوستان سے محبت کرتا ہوں اور وہاں کے لوگوں پر ممکنہ حملوں کو روکنے کےلیے پرعزم ہوں۔ متحرک جمہوریت جس کے بارے میں میں نے ایک نوجوان کے طور پر جانا تھا، کہ میں یہ دیکھنا چاہتا ہوں کہ جمہوریت آنے والی نسلوں تک پھلتی پھولتی رہے‘۔
ہندوستان مخالف تقریر پر حکومت کی جانب سے ابھی تک کوئی ردعمل سامنے نہیں آیا ہے۔
India in danger of becoming Hindu nationalist state: U.S. Congressman
ہندوستان کے ’ہندو راشٹر‘ بننے کا خطرہ، امریکی ایوان نمائندگان میں اینڈی لیون کی وداعی تقریر
