چنچل گوڑا سنٹرل جیل سے آج سماجی کارکن سید عبدہ کشف رہا ہوگئے۔ رہائی کا ویڈیو سوشل میڈیا پر وائرل ہوگیا۔ انہیں 5 ماہ قبل حیدرآباد پولیس نے پی ڈی ایکٹ کے تحت گرفتار کرکے جیل بھیج دیا تھا۔
Social activist @SyedAKashafQ today release from central prison chanchalguda. pic.twitter.com/YyHxSmBQZP
— Imran Khan عمران خان (@imranquadri31) January 27, 2023
اطلاعات کے مطابق تلنگانہ ہائی کورٹ نے کشف کی حراست کو غیرقانونی قرار دیتے ہوئے فوری رہا کا حکم دیا جس کے بعد انہیں چنچلگوڑہ جیل سے رہا کردیا گیا۔ تلنگانہ ہائی کورٹ نے کشاف پر عائد پی ڈی ایکٹ کو ہٹاتے ہوئے رہا کرنے کا حکم دیا ہے۔
واضح رہے کہ 30 اگست کو کمشنر پولیس نے کشف کو پی ڈی ایکٹ کے تحت حراست میں لینے کی ہدایت جاری کی تھا جبکہ حکمنامہ میں کہا گیا تھا کہ ملک پیٹ میں رہنے والے 27 سالہ کشف نے اپنی اشتعال انگیز تقاریر کے ذریعہ دو برادریوں کے درمیان نفرت پیدا کی۔ سٹی پولیس کمشنر پولیس سی وی آنند نے سماجی کارکن کشف کو پی ڈی ایکٹ کے تحت حراست میں لینے کا حکم دیا تھا۔ انہوں نے کہا کہ کشف عادتاً اپنے ٹوئٹر اکاؤنٹ کے ذریعہ سوشل میڈیا پر اشتعال انگیز پیامات اور ویڈیوز پوسٹ کررہے تھے جس کی وجہ سے دونوں کمیونٹیز کے درمیان دشمنی بڑھ رہی ہے۔
قبل ازیں معلون راجہ سنگھ کی جانب سے پیغمبر اسلام کی شان اقدس میں گستاخی کے بعد 23 اگست کو کشف نے کمشنر آفس کے سامنے احتجاج کیا تھا۔ کشف پر الزام ہے کہ انہوں نے احتجاجی مظاہرہ کے دوران ’گستاخ نبیؐ کی ایک ہی سزا سر تن سے جدا‘ کا نعرہ لگایا تھا۔
Syed Abdahu Kashaf released from Chanchalguda Jail
سید عبدہ کشف چنچلگوڑہ جیل سے رہا، ملعون راجہ سنگھ کے خلاف احتجاج کے بعد پی ڈی ایکٹ کے تحت ہوئی تھی گرفتاری
