حیدرآباد (دکن فائلز) اگرچہ استاد نصرت فتح علی خان کا کئی سال قبل انتقال ہو گیا تھا، لیکن ان کی سریلی آواز اور دل موہ لینے والی قوالی سے آج بھی لوگوں میں سحر طاری ہوجاتا ہے۔ دوسری جانب نصرت فتح علی خان کے بھتیجے راحت فتح علی خان نے بھی دنیا بھر کے مشہور کانسرٹ میں شرکت کرکے سامعین کو مسحور کیا۔
یہی نہیں اب راحت فتح علی خان کے ببیٹے نے بھی موسیقی کے میدان میں قدم رکھ لیا ہے۔ حال ہی میں شاہ زمان فتح علی خان نے اپنے والد کے ہمراہ امریکا میں ہونے والے ایک کانسرٹ میں شرکت کی جہاں انہوں نے اپنی قوالی سے لوگوں کے دل جیت لیے جس کی ویڈیو انٹرنیٹ پر تیزی سے وائرل ہورہی ہے۔
Maybe I'm getting overly excited but Rahat Fateh Ali Khan's son sounds like a very young Nusrat Fateh Ali Khan, the OG!
Meet Shahzaman Fateh Ali Khan. What a time to be alive. pic.twitter.com/nlsJdZt2Yu
— Dan Qayyum (@DanQayyum) May 29, 2023
شاہ زمان علی خان کی آواز اور گانے کا انداز سُن کر لوگ حیران ہوکر رہ گئے اور اُنہیں قوالی کے بے تاج بادشاہ استاد نصرت فتح علی خان کی کاپی قرار دے رہے ہیں۔ ٹوئٹر پر وائرل ہونے والی ویڈیو میں شاہ زمان اسٹیج پر موجود ہیں اور نصرت فتح علی خان کی مشہور قوالی ’کِنا سوہنا تینوں رب نے بنایا‘ گنگنا کر سامعین کو مسحور کیا۔ انٹرنیٹ صارفین کا کہنا ہے کہ ہو سکتا ہے شاہ زمان علی خان آنے والے وقت کے نصرت فتح علی خان ثابت ہوں۔
