حیدرآباد (دکن فائلز) بہار کے بھاگلپور میں ایک خوفناک حادثہ پیش آیا۔ اگوانی-سلطان گنج کے درمیان زیر تعمیر کیبل بریج ندی میں گرپڑا۔ مقامی لوگوں نے پل گرنے کے منظر کی ویڈیو بنالی۔ کہا جارہا ہے کہ مذکورہ پل دوسری مرتبہ گرا ہے اور پوری طرح تباہ ہوگیا۔
#Bihar a portion of under construction bridge over Ganga river collapsed today. The Aguanhighat Sultanganj bridge will connect Khagaria and Bhagalpur districts. pic.twitter.com/7DLTQszso7
— All India Radio News (@airnewsalerts) June 4, 2023
کچھ عرصہ قبل یہ پل تعمیری مرحلہ کے دوران گرپڑا تھا جس کی فی الحال تحقیقات چل رہی ہے۔ پل دو دوبارہ تعمیر کرنے کا فیصلہ کیا گیا اور اس کی تعمیر شروع کی گئی۔ پل کی تعمیر کا کام آخری مرحلہ میں پہنچ چکا تھا کہ پل دوبارہ ندی میں گرپڑا۔
کیمرے میں قید ہونے والے مناظر کے مطابق تعمیر کے دوران پل کے دو حصے یکے بعد دیگر گرتے ہوئے نظر آ رہے ہیں۔ پل کو ایک ہزار 700 کروڑ روپئے کی لاگت سے تعمیر کیا جارہا تھا۔ یہ پل دریائے گنگا پر تعمیر کیا جارہا تھا۔
ایک اور اطلاع کے مطابق پل کو گذشتہ سال اپریل میں آئے طوفان میں جزوی نقصان پہنچا تھا۔
