حیدرآباد (دکن فائلز) کچھ روز قبل اترپردیش کے بلند شہر میں سو سالہ پرانی مندر کی درجنوں مورتیوں کو توڑنے کا واقعہ پیش آیا تھا جس کے بعد ہندو تنظیموں کی جانب سے شدید احتجاج کیا گیا تھا اور علاقہ میں حالات انتہائی کشیدہ ہوگئے تھے۔ پولیس کی جانب سے اس معاملہ کی تیز رفتار سے تحقیقات کی گئی اور سچائی کو سامنے لایا گیا۔
پولیس نے مندر میں توڑ پھوڑ کے معاملہ میں چار ملزمان کو گرفتار کرلیا۔ سی سی ٹی وی فوٹیج اور دیگر شواہد کی بنیاد پر پولیس اس معاملے میں دیگر ملزمان کی تلاش کررہی ہے۔
بلند شہر کے برال میں 4 مندروں میں مورتیوں کو توڑنے والے اصل ملزم ہریش شرما، شوم، کیشو اور اجئے کو پولیس نے گرفتار کرلیا۔ مندر واقعہ کے بعد گودی میڈیا کی جانب سے سنسنی پھیلانے اور ہندوؤں کے جذبات کو بھڑکانے کی ناپاک کوشش کی گئی لیکن پولیس نے بروقت کاروائی کرتے ہوئے اصل ملزمین کو گرفتار کرلیا۔
थाना गुलावठी क्षेत्रान्तर्गत मंदिरों की मूर्तियां को खंडित करने वाले 04 अभियुक्तों की गिरफ्तारी के सम्बन्ध में वरिष्ठ पुलिस अधीक्षक की बाइट।@Uppolice @dgpup @adgzonemeerut @igrangemeerut pic.twitter.com/AHLch0hzJr
— Bulandshahr Police (@bulandshahrpol) June 8, 2023
ابتدائی تحقیقات میں ملزمین نے بتایا کہ انہوں نے واردات کو شراب کے نشے میں انجام دیا تھا۔ مندروں میں مورتیوں کو نقصان پہنچانے کے بعد ریاست بھر میں سنسنی پھیل گئی تھی۔ پولیس نے 5 ٹیمیں تشکیل دے کر سی سی ٹی وی فوٹیج، فرانزک شواہد اور دیگر شواہد کی بنیاد پر معاملہ کے حقائق کا پتہ چلالیا جبکہ کچھ فرقہ پرست طاقتوں کی جانب سے اس معاملہ کو فرقہ وارانہ رنگ دینے اور ماحول خراب کرنے کی بھرپور کوشش کی گئی تھی۔ پولیس کی مناسب انداز میں کاروائی سے فرقہ پرست اپنے ناپاک مقصد میں کامیاب نہ ہوسکے۔
ایس ایس پی شلوک کمار نے بتایا کہ چار مقامی نوجوان اس معاملے میں ملوث پائے گئے جو شراب کے نشہ میں تھے۔ انہوں نے نشہ کی حالت میں مورتیوں کو نقصان پہنچایا۔ انہوں نے بتایا کہ مورتیوں کو تورنے میں استعمال کی گئی آہنی سلاخ کو بھی برآمد کر لیا گیا۔
ایس ایس پی نے بتایا کہ مرکزی ملزم ہریش ہے، اس کے ساتھیوں نے پہلے شراب نوشی کی اور بعد میں مندروں گئے اور توڑ پھوڑ کی۔
