تلنگانہ میں بارش کا سلسلہ جاری ہے وہیں حیدرآباد شہر میں بھی شدید بارش کی وجہ سے عام زندگی مفلوج ہوکر رہ گئی ہے۔ حیدرآباد کے کئی علاقوں میں سیلاب جیسی صورتحال کا سامنا ہے اور سیوریج کا پانی گھروں میں داخل ہورہا ہے۔
ఫిర్యాదు చేసి 6 గంటలు గడిచినా పట్టించుకోవట్లేదని జీహెచ్ఎంసీ ఆఫీసుకి పాముని తెచ్చిన యువకుడు
హైదరాబాద్ – భారీ వర్షాలకు అల్వాల్ ప్రాంతంలో సంపత్ కుమార్ అనే యువకుడి ఇంట్లోకి వరద నీరుతో పాటు పాము వచ్చింది. జీహెచ్ఎంసీ అధికారులకు ఫిర్యాదు చేసి 6 గంటలు గడిచినా ఎలాంటి స్పందన లేకపోవడంతో..… pic.twitter.com/E4w5KorpuZ
— Telugu Scribe (@TeluguScribe) July 26, 2023
اطلاعات کے مطابق حیدرآباد کے الوال علاقے میں واقع ایک مکان میں سانپ داخل ہوگیا جس کے بعد گھر والوں نے فوری طور پر جی ایچ ایم سی کے عہدیداروں سے شکایت کی تاہم 6 گھنٹے بعد بھی اس سلسلہ میں کوئی کارروائی نہیں کی گئی۔
جی ایچ ایم سی عملہ کی لاپرواہی اور سست رویہ کی وجہ سے الوال کے رہنے والے سمپت کمار کو غصہ آگیا۔ وہ سانپ لیکر جی ایچ ایم سی وارڈ آفس پہنچ گیا اور سانپ کو ایک عہدیدار کے میز پر رکھ کر احتجاج کیا۔
سمپت نے بتایا کہ جب مکان میں سانپ داخل ہوا تو اس نے جی ایچ ایم سی کے عہدیداروں کو کئی بار فون کیا لیکن کئی گھنٹوں بعد بھی حکام کی جانب سے کوئی کاراوئی نہیں کی گئی۔
سمپت کے احتجاج سے عہدیدار حیران رہ گئے۔ انہوں نے جب آفس میں سانپ دیکھا تو خوفزدہ ہوگئے۔
