حیدرآباد (دکن فائلز) سابق کرکٹ کھلاڑی گوتم گمبھیر نے ”ایکس“ پر ایک ویڈیو شیئر کرتے ہوئے تشویش کا اظہار کیا۔ وائرل ویڈیو نے ملک بھر میں ہنگامہ برپا کردیا۔ تیزی سے وائرل ہونے والی ویڈیو میں ہندوستانی ٹیم انڈیا کے لیجنڈ کپل دیو سے مشابہت رکھنے والے ایک شخص کو دکھایا گیا، جس کے ہاتھ بندھے ہوئے تھے، منہ پر پٹی بندھی ہوئی تھی اور دو آدمی انہیں ڈھکیلتے ہوئے لے جارہے ہیں۔
Anyone else received this clip, too? Hope it’s not actually @therealkapildev 🤞and that Kapil Paaji is fine! pic.twitter.com/KsIV33Dbmp
— Gautam Gambhir (Modi Ka Parivar) (@GautamGambhir) September 25, 2023
وائرل ویڈیو سے ایسا لگ رہا ہے جیسے کپل دیو کا دن دہاڑے سرعام اغوا کیا جارہا ہے۔ کرکٹر سے سیاستدان بننے والے گوتم گمبھیر نے اس کلپ کو ”ایکس“ پر شیئر کرتے ہوئے تشویش کا اظہار کیا۔ ویڈیو شیئر کرتے ہوئے گوتم گمبھیر نے لکھا، ’یہ کلپ کسی اور کو بھی موصول ہوا ہے؟ امید ہے کہ یہ اصل میں کپل دیو نہیں ہیں اور کپل پاجی ٹھیک ہوں گے‘۔
وائرل ویڈیو کے حوالے سے اگرچہ کوئی باضابطہ بیان جاری نہیں کیا گیا تاہم سوشل میڈیا پر متعدد فالوورز کی جانب سے مختلف ردعمل کا اظہار کیا جارہا ہے۔
