حیدرآباد (دکن فائلز) تلنگانہ انتخابات کو لیکر سیاسی پارٹیوں کی جانب سے سیاسی سرگرمیاں تیزی سے جاری ہیں۔ اس دوران آج ایک ناخوشگوار واقعہ حیدرآباد میں پیش آیا جہاں ایک لائیو ٹی وی شو کے دوران بی جے پی اور بی آر ایس کے امیدواروں کے درمیان ہاتھا پائی ہوئی۔ واقعہ کی ویڈیو سوشل میڈیا پر وائرل ہوگئی۔
The deplorable attack on BJP MLA candidate Kuna Srisailam Goud Garu by BRS goon & sitting MLA KP Vivekananda shows the frustration in BRS that they are losing to the BJP.
What better can be expected from a party of goons.#KCRFailedTelangana pic.twitter.com/4YqZJCDzxJ
— BJP Telangana (@BJP4Telangana) October 25, 2023
تفصیلات کے مطابق قطب اللہ پور کے بی آر ایس رکن اسمبلی وویکانند نے لائیو ٹی وی مباحثہ کے دوران بی جے پی امیدوار پر مبینہ طور پر حملہ کیا۔ اس کے بعد دونوں پارٹیوں کے پیروکاروں نے ہنگامہ کردیا جس کے بعد پولیس نے حالات پر کنٹرول کرلیا۔
شو کے دوران بی جے پی کے امیدوار سری سیلم گوڑ نے بی آر ایس رکن اسمبلی پر زمینوں پر قبضہ کرنے کا الزام عائدکیا جس کے بعد بی آر ایس امیدوار اپنے غصہ پر قابو نہ رکھ سکے اور انہوں نے گوڑ پر حملہ کرنے کی کوشش کی۔ اس دوران دونوں کے درمیان ہاتھاپائی ہوئی اور شو ہنگامہ کی نذر ہوگیا۔
