غزہ میں اسرائیلی بمباری سے ہر روز 420 سے زائد معصوم فلسطینی بچے شہید یا زخمی ہو رہے ہیں۔ اقوام متحدہ کے ادارہ برائے اطفال یونیسیف نے دل دہلا دینے والے اعدادوشمار جاری کر دیئے۔ بین الاقوامی میڈیا رپورٹس کے مطابق یونیسیف کی جانب سے غزہ میں جاری اسرائیلی جارحیت کے باعث مرنے والے بچوں سے متعلق اعداد و شمار جاری کیے گئے ہیںجن میں بتایا گیا ہے کہ غزہ میں ہر 10 منٹ میں ایک بچہ شہید ہو رہا ہے۔ غزہ میں ہر روز 420 سے زائد بچے اسرائیلی بمباری سے شہید یا زخمی ہو رہے ہیں۔
Two months ago, the Baba family in #Gaza had quadruplets after waiting 15 years without children. However, the Israeli occupation has decided that the family's joy would not be complete, bombing their home upon their heads.
The four quadruplets, Khaled, Abdul Khaleq, Mahmoud,… pic.twitter.com/6iHO6QtW8h
— Quds News Network (@QudsNen) October 19, 2023
یونیسف نے منگل کو جاری اپنے بیان میں کہا ہے کہ غزہ بچوں کا قبرستان بن چکا ہے۔ یونیسیف کے مطابق غزہ میں 7 اکتوبر کے بعد سے اب تک کم از کم 940 بچے لاپتہ ہیں۔ بچوں کے عالمی ادارے کے مطابق غزہ میں پانی کی کمی کے سبب شیرخوار بچوں کی اموات کا خطرہ ہے، علاقے میں نارمل پانی کی فراہمی کا صرف 5 فیصد دستیاب ہے۔
