حیدرآباد (دکن فائلز) وزیراعلیٰ ریونت ریڈی نے تلنگانہ کی عالمی شہرت یافتہ باکسر نکہت زرین کو 2 کروڑ روپے کی مالی امداد کا اعلان کیا ہے جو کہ دو بار کی عالمی چیمپئن ہیں۔ کانگریس حکومت کے اقتدار میں آنے پر 6 ضمانتوں کے ایک حصے کے طور پر، سی ایم ریونت ریڈی نے آج اسمبلی کے احاطے میں 2 اسکیموں کا آغاز کیا۔ اس موقع پر باکسر زرین کو یہ مالی امداد دی گئی۔
دریں اثنا، زرین نے اس سال مارچ میں نئی دہلی میں منعقدہ خواتین کی عالمی باکسنگ چیمپئن شپ میں 50 کلوگرام کے زمرے میں سونے کا تمغہ جیتا تھا۔ قابل ذکر ہے کہ عالمی چیمپئن شپ مقابلوں میں یہ ان کا دوسرا طلائی تمغہ ہے۔ حکومت تلنگانہ نے گزشتہ سال ترکی میں منعقدہ ورلڈ باکسنگ چمپئن شپ میں طلائی تمغہ جیتنے والی نکھت کو 2 کروڑ روپے کے نقد انعام کے ساتھ حیدرآباد میں رہائشی پلاٹ الاٹ کرنے کا اعلان کیا تھا۔
Live: CM Sri @Revanth_Anumula launching Free Travel in TSRTC Buses for girls and women under #MahalakshmiScheme. Hon'ble CM is also launching #RajivAarogyasri under #Cheyutha scheme which provides ₹10 lakh health insurance coverage per family per year. https://t.co/YCnl1fWOJ2
— Telangana CMO (@TelanganaCMO) December 9, 2023
نکہت کا تعلق ضلع نظام آباد سے ہے اور وہ عالمی چیمپئن شپ میں گولڈ میڈل جیتنے والی پانچویں ہندوستانی خاتون باکسر بن گئیں۔
