(ایجنسیز) حرمین شریفین انتظامیہ میں دینی امور کے سربراہ شیخ ڈاکٹر عبد الرحمن السدیس نے کہا ہے کہ حرمین شریفین کی سلامتی سرخ لکیر ہے جہاں ’لبیک اللہم لبیک‘ کے علاوہ کوئی نعرہ قابل قبول نہیں۔
الاخباریہ کے مطابق انہوں نے کہا ہے کہ ’یوم تاسیس محض تاریخ اور ہندسے نہیں بلکہ ایک عظیم یادگار ہے جس سے خلف اپنے سلف کی عظمتوں کو یاد کرتی ہے‘۔ ’اس تاریخ کے دوران سلف نے اس ملک کی تعمیر و ترقی میں کس قدر قربانیاں دی ہیں اور کتنا عظیم کارنامہ انجام دیا ہے‘۔
“My message to those who go to the Haramain Sharifain: Do not devote yourself to anything other than worship, and do not raise slogans in the Haramain Sharifain except the slogan of monotheism and talbiyyah.”
Head of Religious Affairs of Haramain Sharifain, Sheikh Sudais. pic.twitter.com/VlravYEFlj
— The Holy Mosques (@theholymosques) February 26, 2024
حرمین انتظامیہ نے یوم تاسیس کے موقع پر خصوصی تقریب کا انعقاد کیا ہے جس سے خطاب کرتے ہوئے شیخ سدیس نے کہا ہے کہ ’یوم تاسیس تاریخ قربانیوں سے بھر پور ہے جس میں خوف کے امن، تفرقے کے بعد وحدت، جہالت کے بعد علم، فقر وفاقہ کے بعد مال و دولت، دشمنی کے بعد وحدت کی کہانیاں جنم لیتی ہیں‘۔ انہوں نے کہا ہے کہ ’حرمین شریفین من امن وامان کی گہری دینی جڑیں ہیں کیونکہ امن وامان کو حرم سے مربوط کردیا گیا جبکہ امن وامان حرم سے ہی وابستہ ہے‘۔
