(ایجنسیز) معروف کورین سوشل میڈیا اسٹار داؤد کم نے جہاں اسلام قبول کرنے کے بعد توجہ خوب سمیٹ لی ہے وہیں اب ان کی مسجد سے متعلق ویڈیو بھی وائرل ہے۔ حال ہی میں داؤد کم نے جنوبی کوریا کے علاقے یونگ جونگ جزیرے میں مسجد کا افتتاح کیا ہے، تاہم مسجد کی تعمیر سے قبل اور دوران داؤد کو شدید مشکلات کا سامنا کرنا پڑا تھا۔
2019 میں اسلام قبول کرنے والے یوٹیوبر نے رواں سال اسلام قبول کرنے کا اعلان کیا تھا، تاہم رواں سال داؤد کے اس پلان پر مقامی شہریوں کی جانب سے مخالفت کی گئی تھی۔ داؤد کم کی جانب سے انسٹاگرام پر پوسٹ اپلوڈ کیا گیا تھا جس میں یوٹیوبر نے بتایا کہ الحمداللہ! میں نے کر دیا ہے۔ آپ سب کی مدد کے ساتھ، میں نے مسجد تعمیر کر لی ہے۔
ویڈیو دیکھنے کےلئے لنک پر کلک کریں::
انسٹاگرام پر داؤد کم نے ایک ویڈیو جاری کی جس میں مسجد کی تعمیر کے حوالے سے مختلف فوٹیجز شامل ہیں اور ساتھ ہی مسجد میں نماز کو بھی دکھایا گیا ہے۔ داؤد کم نے لکھا کہ آخر کار انہوں نے مسجد بنانے کا خواب پورا کرلیا، اس موقع پر انہوں نے تعاون کرنے والے افراد کا شکریہ بھی ادا کیا۔ داود کم نے جزیرے یونگ جونگ میں مسجد کی تعمیر کیلئے ایک لاکھ 36 ہزار 500 ڈالر میں زمین خریدی تھی۔
واضح رہے کہ داؤد کم نے ستمبر 2019ء میں اسلام قبول کرنے کا اعلان کیا، ان کے یوٹیوب پر 5.52 ملین سے زیادہ سبسکرائبرز اور انسٹاگرام پر 3.5 ملین فالوورز ہیں۔