حیدرآباد (دکن فائلز) ہندوستانی کرکٹر سنجو سیمسن کے چھکے نے کراؤڈ میں بیٹھی خاتون تماشائی کو رُلا دیا جس کی ویڈیوز سوشل میڈیا پر منظرِ عام پر آئی ہیں۔
تین روز قبل ہندوستان نے جنوبی افریقا کو چوتھے ٹی ٹوئنٹی انٹرنیشنل میں 135 رنز کے بھاری مارجن سے شکست دے کر سیریز 1-3 سے اپنے نام کی۔ سنجو سیمسن نے اس میچ میں 56 گیندوں پر 109 رنز کی شاندار اننگز کھیلی۔ سنجو سیمسن کی یہ گزشتہ 5 ٹی ٹوئنٹی انٹرنیشنل اننگز میں تیسری سنچری تھی۔
بیٹنگ کے دوران سنجو سیمسن کی جانب سے افریقی بولر کو زوردار چھکا مارا گیا اور گیند کراؤڈ میں کھڑی ایک خاتون کے جبڑے پر جالگی، ویڈیو میں خاتون کو درد سے کراہتے اور روتے بھی دیکھا جاسکتا ہے۔ سنجو کی جانب سے خاتون سے اسی وقت معافی بھی مانگنے کا اشارہ کیا گیا۔
