سائنس دانوں نے پہلی بار چاند سے لائی ہوئے مٹی میں پودے اگانے کا کامیاب تجربہ کیا ہے۔ یہ مٹی عرصہ پہلے چاند پر جانے والے ناسا کے خلاباز زمین پر لائے تھے۔
یہ تجربہ یونیورسٹی آف فلوریڈا کے سائنس دانوں نے کیا۔ اس سے پہلے یہ معلوم نہیں تھا کہ آیا چاند کی مٹی میں بھی بیج ڈال کر پودے پیدا کیے جا سکتے ہیں۔ یہ مٹی ناسا کے راکٹ اپالو گیارہ سے پہلی بار چاند پر اترنے والے خلاباز نیل آرمسٹرانگ، اور بز ایلڈرین اور بعد ازاں چاند کی سطح پر اپنے قدم اتارنے والے دوسرے خلاباز زمین پر لائے تھے۔
یونیورسٹی کے ماہرین نے بتایا ہے کہ چاند کی مٹی میں ایک پھول دار پودے ’تھیل گرس ‘ کے جتنے بھی بیج ڈالے گئے تھے، وہ سب پھوٹے ، لیکن پودے زیادہ بڑے نہیں ہو سکے۔ سائنس دان دوسرے پودے اگانے سے پہلے تھیل کرس پر کچھ مزید تجربات کرنا چاہتے ہیں۔
