سویڈن اور ڈنمارک میں قرآن پاک کی بے حرمتی کے واقعات پر مسلم وزرائے خارجہ کا ورچوئل ہنگامی اجلاس 31 جولائی کو طلب کرلیا گیا۔ یورپی ممالک سویڈن اور ڈنمارک میں تواتر کے ساتھ قرآن پاک کی بے حرمتی کے واقعات رونما ہورہے ہیں، جس پر پورے عالم اسلام میں شدید غم و غصہ پایا جاتا ہے۔
او آئی سی نے قرآن پاک کی بے حرمتی کے افسوسناک واقعات پر مسلم وزرائے خارجہ کا ورچوئل ہنگامی اجلاس 31 جولائی کو طلب کرلیا۔ مسلم وزرائے خارجہ کے اجلاس میں سویڈن اور ڈنمارک میں پیش آنیوالے اشتعال انگیز واقعات کا جائزہ لیا جائے گا، یہ اجلاس سعودی عرب اور عراق نے او آئی سی قائد کی حیثیت سے طلب کیا۔
میڈیا رپورٹس کے مطابق اجلاس میں او آئی سی کے سیکریٹری جنرل حسن ابراہیم طٰہٰ مجلس عاملہ کی جانب سے جاری کردہ اعلامیے پر عملدرآمد کے حوالے سے مشاورت کریں گے، اجلاس میں قرآن پاک کی بے حرمتی کے واقعات کا جائزہ بھی لیا جائے گا۔
