حیدرآباد سائبرآباد اور رچہ کونڈا کیلئے نئے پولیس کمشنران کا تقرر

تلنگانہ میں بعض آئی پی ایس آفیسرس کا ریاستی حکومت کی جانب سے تبادلہ کردیا گیا ہے۔حیدرآباد کے کمشنر پولیس کی حیثیت سے کے سرینواس ریڈی کو مقرر کیا گیا ہے جبکہ سائبر آباد کے کمشنر پولیس کے طورپر اویناش موہنتی کو مقرر کیا گیا ہے۔ اسی طرح رچہ کنڈہ کے کمشنر پولیس سدھیر بابو ہوں گے۔ اس سلسلے میں احکامات جاری کردیے گئے ہیں۔ نارکوٹک بیورو کے ڈائرکٹر کے طورپر سندیپ شنڈالیہ کو مقرر کیاگیا ہے۔ تاحال سائبر آباد اور رچہ کنڈہ کمشنران پولیس کی حیثیت سے خدمات انجام دینے والے اسٹیفن رویندرا اور ڈی ایس چوہان کو ڈی جی پی آفیس رپورٹ کرنے کی ہدایت دی گئی ہے۔