برطانیہ میں ہونے والے ایک سروے میں نوزائیدہ بچوں کے نام رکھنے میں سب سے مقبول نام محمد سامنے آیا ہے۔ عرب نیوز کے مطابق یہ انکشاف سامنے آنے والے نئے ڈیٹا میں کیا گیا ہے۔
برطانوی اخبار دی مرر نے بے بی سینٹر کے اعداد وشمار کے حوالے سے بتایا ہے کہ ہر جنس کے 100 میں سے 24 بچوں کے نام کے ساتھ محمد لگایا گیا ہے۔ رپورٹ کے مطابق دیگر ناموں میں علی، عبداللہ، ابراہین، عبدل، موسیٰ، احمد، یوسف، عمر، زایان اور حمزہ شامل ہیں جو مسلمان خاندانوں میں مقبول ہیں۔
نوزائیدہ بچیوں کے رکھے جانے والے ناموں میں لیلیٰ سب سے اوپر رہا۔ بچیوں کے دیگر ناموں میں مریم، فاطمہ، نور، عائشہ، زہرہ اور رایا شامل ہیں۔
برطانوی اخبار کی ایک رپورٹ کے مطابق اس سال کیے گئے سروے میں بھی یہ بات سامنے آئی ہے کہ برطانیہ میں مسلمان گھرانوں میں نومولودوں کا نام محمد رکھنے کا رحجان کسی بھی دوسرے نام کے مقابلے میں کہیں زیادہ ہے۔
سروے کا ڈیٹا ظاہر کرتا ہے کہ ہر 100 میں سے 24 بچوں کے نام کے ساتھ محمد لگایا گیا جب کہ دیگر ناموں میں علی، احمد، عبداللہ، موسیٰ، عمر اور حمزہ شامل ہیں۔
یاد رہے کہ گزشتہ کئی برسوں سے برطانیہ میں محمد نام مقبولیت میں سرفہرست رہا ہے اور زیادہ تر والدین اپنے بچوں کے ناموں کے ساتھ محمد لگانا لازمی سمجھتے ہیں۔
