(ایجنسیز) عراق اور شام پر حالیہ کیے گئے امریکی حملوں کے حوالے سے اقوامِ متحدہ کی سلامتی کونسل کا اجلاس کل طلب کر لیا گیا۔ میڈیا رپورٹس کے مطابق روس کی درخواست پر سلامتی کونسل کا اجلاس بلایا گیا ہے۔ روس نے عراق اور شام پر امریکہ اور برطانیہ کے مشترکہ حملوں کی مذمت بھی کی ہے۔
روسی وزارتِ خارجہ کی ترجمان کا کہنا ہے کہ امریکہ نے ایک بار پھر بین الاقوامی قوانین کی بے توقیری کا مظاہرہ کیا ہے، حملوں میں عام شہری مارے گئے۔ دوسری جانب امریکہ اور برطانیہ نے یمن میں کچھ گھنٹوں کے دوران 48 مقامات پر حملے کیے ہیں۔
قبل ازیں امریکہ نے عراق اور شام میں 85 مقامات پر فضائی حملے کیے جس میں ہلاک ہونے والوں کی تعداد 40 ہوگئی۔
