حیدرآباد (دکن فائلز) دہلی کے وزیراعلیٰ اروند کیجریوال نے ای ڈی کی حراست سے خط لکھا، جسے ان کی اہلیہ سنیتا کیجریوال نے پڑھ کر سنایا۔ سنیتا نے اپنا ویڈیو بیان جاری کرتے ہوئے کہا آپ کے لئے کیجریوال نے ایک پیغام بھیجا ہے۔ انہوں نے کہا ہے کہ میرے پیارے ملک کے باشندوں مجھے کل گرفتار کرلیا گیا۔ میں اندر رہوں یا باہر ہر لمحے ملک کی خدمت کرتا رہوں گا۔گرفتاری سے میں حیران نہیں ہوں۔ میری زندگی ہی جدوجہد ہے۔
#WATCH | Delhi CM Arvind Kejriwal's wife Sunita Kejriwal issues a video statement and reads out the CM's message from jail.
She says, "…There are several forces within and outside India that are weakening the country. We have to be alert, identify these forces and defeat… pic.twitter.com/jqlHpguugP
— ANI (@ANI) March 23, 2024
انہوں نے مزید کہاکہ میری زندگی کا ہرلمحہ ملک کے لئے وقف ہے۔ ہمیں مل کر ملک کو دنیا کا سب سے طاقتور ملک بنانا ہے۔ ہمارے ملک کے اندر اور باہر کئی طاقتیں ہیں جو ہمارے ہندوستان کو کمزور کررہی ہیں۔ ہمیں ان طاقتوں کو ہرانا ہے۔ انہوں نے یہ بھی کہاکہ کوئی جیل مجھے اندر نہیں رکھ سکتی، میں جلد ہی باہر آؤں گا اور اپنا وعدہ پورا کروں گا۔