حیدرآباد (دکن فائلز) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ ذی الحجہ الحرام 1445ھ زیر نگرانی مولانا سید حسن ا براہیم حسینی قادری سجاد پاشاہ معتمد صدر مجلس علماء دکن آج شام حسینی بلڈنگ معظم جاہی مارکٹ میں منعقد ہوا۔
شہر میں مطلع ابر آلود تھا، اطراف و اکناف میں بھی یہی کیفیت تھی البتہ پونڈی چیری اور تنجاور میں چاند نظر آنے کی اطلاعات ملی جس کی تصدیق صدر قاضی صاحب چینئی نے فرمائی۔
لہٰذا تحت ا حکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ کل بروز ہفتہ 8 جون کو یکم ذی الحجہ ہوگی۔ اسی طرح 17 جون کو عیدالاضحیٰ منائی جائے گی۔
اس اجلاس میں مولانا سید حسن ابراہیم حسینی قادری سجادہ پاشاہ معتمد، مفتی خلیل احمد، مولانا سید محمود پاشاہ قادری زرین کلاہ، مولانا سید ظہیرالدین علی صوفی، مولانا ڈاکٹر سید علی حسینی قادری علی پاشاہ، مولانا مشہود احمد قادری و دیگر نے شرکت کی۔
