حیدرآباد (دکن فائلز) ارض دکن کی قدیم و معروف دینی درسگاہ جامعہ نظامیہ حیدرآباد کے منصب جلیلہ ’امیر جامعہ‘ کی اہم ذمہ داری حضرت مولانا مفتی خلیل احمد صاحب شیخ الجامعہ کے سپرد کی گئی۔
(ویڈیو بشکریہ: سینئر صحافی رحمن پاشاہ)
مولانا محمد محسن پاشاہ مولوی کامل الحدیث جامعہ نظامیہ کی اطلاع کے بموجب آج تین بجے سہ پہر بارگاہِ نبویؐ کی قدیم و عظیم اسلامی یونیورسٹی جامعہ نظامیہ میں حضرت مولانا ڈاکٹر محمدعبد المجید صاحب ملتانی قادری کی زیر صدارت ایک ہنگامی مشاورتی اجلاس منعقد ہوا ۔ جس میں سابق امیر جامعہ مولانا سید شاہ علی اکبر نظام الدین حسینی صابری سجادہ نشین درگاہ شاہ خاموشؒ کے دیئے گئے استعفیٰ کو منظور کرتے ہوئے بہ اتفاق آراء شیخ الجامعہ جامعہ نظامیہ مفکر اسلام زین الفقہاء حضرت علامہ مفتی خلیل احمد صاحب قبلہ کو بحثییت کار گذار امیر جامعہ بنائے جانے پر حضرت امیر جامعہ و شیخ الجامعہ جامعہ نے سب سے پہلے بارگاہِ حضور شیخ الاسلام والمسلمین عارف باللہ والارضیین حقیقت آگاہ معرفت دستگاہ امام اہلسنت حافظ محمد انواراللہ فاروقی فضیلت جنگ بہادر بانئ جامعہ نظامیہ رضوان اللہ علیہ حاضری دی صلوٰۃ وسلام پیش کیاگیا-
بعد ازاں جامع مسجد انوارؒ میں جامعہ نظامیہ میں جمیع جدید و طلبائے قدیم جامعہ نظامیہ جن میں اراکین مجلس انتظامی حضرت مولانا ڈاکٹر محمد عبدالمجید، حضرت مولانا حافظ اصغر شرفی قادری،عمدۃ الحکمت حضرت علامہ الحاج سید شاہ نعمت اللہ قادری بانی مدرسہ عربیہ انوار العلوم، مولانا محمد سلطان احمد نقشبندی جنرل سیکریٹری کل ہند انجمن طلبائے قدیم جامعہ نظامیہ،مفسر قرآن مولانا محمد محی الدین قادری محمودی خازن انجمن،اسدالعلماء تنویر صحافت مولانا محمدمحسن پاشاہ انصاری قادری نقشبندی مجددی مولوی کامل الحدیث جامعہ نظامیہ وجنرل سیکریٹری کل ہندسنی علماءمشائخ بورڈ،مولانا قاضی محمد ابراھیم علی شاکر نقشبندی،مولانا حافظ بشارت علی خان نقشبندی،مولانا حافظ منصور علی خان،مولانا حافظ محمد اکبر علی جاوید نقشبندی ودیگر نے شالپوشی وگلپوشی کی-
حضرت مفکر اسلام نے سب سے پہلے بارگاہ الہیہ میں بصدقۂ خاتم النبیینﷺ،و بہ طفیل حضور شیخ الاسلام عارف باللہ حافظ امام محمد انوار اللہ فاروقی فضیلت جنگ بہادر بانئ جامعہ نظامیہ رضوان اللہ علیہ کا شکر بجا لاتے ہوئے کہاکہ جس طرح آپ لوگوں نے دنیا میں میرا ساتھ دہا ہے اُسی طرح آخرت والی زندگی کو بہتر بنانے کے لئے میرا تعاون ناگزیر ہے آپ لوگوں کی محبت و شفقت کی بناء ہی جامعہ نظامیہ اپنی نیک نامی کیساتھ علمی وروحانی 154 سالہ علمی و روحانی سفر طئے کرچکا ہے-
