حیدرآباد (دکن فائلز) حیدرآباد کے نظام پیٹ میں گاندھی جی کے کے مجسمہ کو توڑ پھوڑ کا نشانہ بنایا گیا۔ میونسپل پارک میں گاندھی جی کے مجسمہ کو نامعلوم شرپسندوں نے نقصان پہنچایا۔ یہ واقعہ پرگتی نگر کے 6 ڈویژن میں 4 نومبر کی رات کو پیش آیا۔ امبی تالاب کے کنارے واقع گاندھی جی کے مجسمہ کو پوری طرح توڑ دیا گیا۔
مقامی لوگوں نے آج صبح پولیس کو اس کی اطلاع دی، جس کے بعد پولیس نے معاملہ میں مقدمہ درج کرکے تحقیقات کا آغاز کردیا۔ پولیس نے گاندھی جی کے مجسمے کو نقصان پہنچانے والوں کے خلاف سخت کاروائی کا تیقن دیا۔
