حیدرآباد (دکن فائلز) تلنگانہ میں آر ٹی سی بس ڈرائیور نے مبینہ طور پر مسافر کے بیگ سے سونے کے زیور چرالئے۔ میڈیا رپورٹس کے مطابق ایک ویڈیو سوشل میڈیا پر وائرل ہوگیا جس میں بس ڈرائیور کو مسافر کے بیگ سے سونے کے زیور چوری کرتے ہوئے دیکھا جاسکتا ہے۔ جب ڈرائیور چوری کر رہا تھا تو ایک مسافر نے اپنے سیل فون کے ذریعہ ویڈیو بنائی اور اسے سوشل میڈیا پر شیئر کر دیا۔
ویڈیو دیکھنے کےلئے لنک پر کلک کریں:
https://twitter.com/i/status/1856561126651376077
یہ واقعہ نظام آباد سے ورنگل آرہی آر ٹی سی بس میں پیش آیا۔ آر ٹی سی حکام نے بتایا کہ ملزم جو کہ آر ٹی سی بس ڈرائیور کے طور پر خدمات انجام دے رہا تھا کو دیوٹی سے برخواست کردیا گیا۔ عام طور پر اگر کوئی مسافر بس میں اپنا سامان بھول جاتا ہے تو اسے بس ڈپو میں دے دیا جاتا ہے۔ جس کے بعد مسافر کی تفصیلات تلاش کی جاتی ہیں۔ تاہم بس ڈرائیور نے ایسا نہیں کیا اور بیگ میں سے سونے کے زیورات چرالئے۔ ڈرائیور کے خلاف مقدمہ درج کر لیا گیا۔
بس ڈرائیور نے صفائی میں کہا کہ سونا بیگ سے نیچے گرا ہوا تھا۔
